辦館 (裕林台)

營業中

休息中

之前聽朋友介紹呢間上環「Lof10」隱世cafe，今次終於有機會嚟試。喺上環行過嚟都做唔少運動，感到健康！下次可能會試吓由西營盤過嚟。附近有好多人放狗，可愛。西班牙黑毛豬火腿芝士三文治 $148Iberico Ham and Cheese Sandwich 好耐冇食西班牙火腿啦。呢個三文治口感豐富，除咗火腿仲有啲烤得好香嘅芝士，個包超級香脆。全日早餐 $148All Day Breakfast 有煙肉、德國香腸、溫泉蛋、多士、茄汁豆、牛油粟米同埋沙律，材料都幾豐富！我最鍾意個多士，超級厚；加啲留心蛋同埋牛油食味道一流！午餐時間過嚟仲會包一杯嘢飲添，感覺好抵。日本柚子梳打 Yuzu Soda 平時嘅我鍾意飲熱野，但係今日好熱行咗好多路。飲一啖呢個柚子梳打即刻覺得好refreshing！甜甜酸酸，好味。鮮奶抹茶 Matcha Tea Latte 呢個朋友飲嘅，佢話唔會太甜幾好飲。