一茗堂 (南山商場) (已結業)

去完城大，朋友介紹咗一間人世cafe俾我，位置係南山村商場地下，穿過街市就見到。呢度都係賣一般cafe食物，意粉、漢堡包、牛扒都有得食。咖啡當然有啦。但係吸引到我嚟嘅係佢哋嘅甜品。佢哋有自家製嘅甜品。美食甜品就成日佢哋嘅午餐先，午餐可以跟餐湯或者沙律，突然間好想食炸嘢，我點咗一份原條炸魚薯條，仲加咗兩塊蝦多士添。我要咗餐湯，今日係羅宋湯算係合格。炸魚薯條同埋蝦多士都炸得好香脆，新鮮炸就一定係好。最後我仲加咗個甜品就係熱情果芒果撻。估唔到佢做得咁高質。個餡又好濃嘅芒果味之餘，仲有淡淡嘅熱情果味，餅底都壓得好實，食嘅時候唔會東一忽西一忽。而且佢個價錢仲係加$30咋，真係超值。