影片
更多
2022-07-28
89 瀏覽
🍶鱈魚乾。濁酒。鱈魚乾香脆，點蛋黃醬調味，送日本清酒一流。濁酒米香飽滿綿滑，味道清新略甜，唔會搶去食物嘅味道，同時亦能獨當一面。🌽日本生粟米。日本桃。黑豚肉腸。日本生粟米粒粒粟米都爆汁，感覺清新。日本桃加凱撒沙律醬就似高級版沙律，日本蜜桃特別香甜多汁，適合夏日。黑豚肉腸同其他清新甜蜜嘅沙律、水果成強烈嘅對比，燒烤風味黑豚肉豬肉味香濃，彈牙爆汁。🦪蛤蜊蚌。軟骨免治雞肉釀冬菇蛤蜊蚌加竹炭、燒白酒。蛤蜊蚌巨大，啖啖肉，燒白酒幽香撲鼻，蛤蜊蚌亦保留住海水味。軟骨免治雞肉釀冬菇，像是家常菜的配搭，但亦有其複雜嘅功夫及步驟，加上溫泉蛋，增加質感。🍗燒白鰻。酩酊雞翼。燒白鰻係以黑木自製鰻魚汁調味，廚師再為我哋加上柚子皮，為濃郁鰻魚味加點清新嘅層次。酩酊雞翼以淮山漬伴碟，淮山漬有點wasabi 味，再加上日本菊花瓣，增添幾分高雅。🥓燒蝦餅。燒牛脷。燒蝦餅加蝦子，有少少鹹味少少辛辣味，再加上微甜嘅醬汁調味。燒牛脷以青椒仔伴碟，牛脷上加黑木自製蒜蓉醬，增加濕潤感覺，青椒仔亦十分美味。🥩燒美國牛柳條。清湯白布烏冬。燒美國牛柳條上面加紫粉紅洋蔥脆，充滿日本精緻特色。牛柳條亦牛味香濃有咬口。清湯白布烏冬口感彈牙
鱈魚乾香脆，點蛋黃醬調味，送日本清酒一流。濁酒米香飽滿綿滑，味道清新略甜，唔會搶去食物嘅味道，同時亦能獨當一面。
🌽日本生粟米。日本桃。黑豚肉腸。
日本生粟米粒粒粟米都爆汁，感覺清新。日本桃加凱撒沙律醬就似高級版沙律，日本蜜桃特別香甜多汁，適合夏日。黑豚肉腸同其他清新甜蜜嘅沙律、水果成強烈嘅對比，燒烤風味黑豚肉豬肉味香濃，彈牙爆汁。
🦪蛤蜊蚌。軟骨免治雞肉釀冬菇
蛤蜊蚌加竹炭、燒白酒。蛤蜊蚌巨大，啖啖肉，燒白酒幽香撲鼻，蛤蜊蚌亦保留住海水味。軟骨免治雞肉釀冬菇，像是家常菜的配搭，但亦有其複雜嘅功夫及步驟，加上溫泉蛋，增加質感。
🍗燒白鰻。酩酊雞翼。
燒白鰻係以黑木自製鰻魚汁調味，廚師再為我哋加上柚子皮，為濃郁鰻魚味加點清新嘅層次。酩酊雞翼以淮山漬伴碟，淮山漬有點wasabi 味，再加上日本菊花瓣，增添幾分高雅。
🥓燒蝦餅。燒牛脷。
燒蝦餅加蝦子，有少少鹹味少少辛辣味，再加上微甜嘅醬汁調味。燒牛脷以青椒仔伴碟，牛脷上加黑木自製蒜蓉醬，增加濕潤感覺，青椒仔亦十分美味。
🥩燒美國牛柳條。清湯白布烏冬。
燒美國牛柳條上面加紫粉紅洋蔥脆，充滿日本精緻特色。牛柳條亦牛味香濃有咬口。清湯白布烏冬口感彈牙，煙韌滑溜。暖暖嘅清湯飲落令人舒服。
🍍冧酒焦糖燒菠蘿。抹茶蕨餅配紅豆蓉。
燒菠蘿熱騰騰，散發冧酒香味。菠蘿外面脆脆地，入面清甜多汁。抹茶蕨餅煙煙韌韌，像性格比較内斂但卻閃耀出眾嘅角色，紅豆蓉為蕨餅加一層滋潤嘅面霜，再以金薄作華麗嘅點綴。
張貼
