影片
更多
2021-05-06
896 瀏覽
#食在土瓜灣#支持小店屋企附近嘅茶餐廳都食過晒成日食lunch都唔知食咩好打開OpenRice睇吓有咩餐廳未食過啦就見到美景街嘅呢間「意軒」西餐廳落街去到門口就發覺原來間舖好細間我諗大約都只係得10個座位既然你到就入去試吓啦佢有幾款每日精選，不過有我又揀唔啱於是就睇吓佢張點餐紙，最後我揀咗個最簡單嘅Carbonara ，本身諗住點杯咖啡飲，不過老細話只供應餐湯或者汽水，咁見天口熱就唯有飲汽水啦～呢碟卡邦尼意粉 老實說賣相就唔係非常之吸引，佢唔係我想像中嘅傳統撈蛋漿嘅carbonara，而係落cream嘅～不過呢食落係好有驚喜！首先佢意粉係處理得非常之好，煮嘅時間啱啱好，食到爽口煙韌的Al Dente口感！而佢嘅忌廉汁亦都食得出唔係罐頭質素，相信係自己調製嘅，個汁入邊仲食到有切到好細嘅洋蔥粒同埋蒜片，增加香味！整體來講成個意粉都好好味，如果芝士落返多啲就更加好喇😋 同埋餐廳做得唔好嘅位在於自由餐湯同埋汽水揀，不過可能得老闆自己一個負責煮嘢食，同埋得一位年紀比較大嘅侍應（相信係老闆嘅家父），未必兼顧到水吧～一路進餐嘅時候其實都發現入嚟幫襯嘅客人全部都係熟客仔，老闆會記得客人嘅喜好，入到嚟又
#支持小店
屋企附近嘅茶餐廳都食過晒
成日食lunch都唔知食咩好
打開OpenRice睇吓有咩餐廳未食過啦
就見到美景街嘅呢間「意軒」西餐廳
落街去到門口就發覺原來間舖好細間
我諗大約都只係得10個座位
既然你到就入去試吓啦
佢有幾款每日精選，不過有我又揀唔啱
於是就睇吓佢張點餐紙，最後我揀咗個最簡單嘅Carbonara ，本身諗住點杯咖啡飲，不過老細話只供應餐湯或者汽水，咁見天口熱就唯有飲汽水啦～
呢碟卡邦尼意粉 老實說賣相就唔係非常之吸引，佢唔係我想像中嘅傳統撈蛋漿嘅carbonara，而係落cream嘅～
不過呢食落係好有驚喜！首先佢意粉係處理得非常之好，煮嘅時間啱啱好，食到爽口煙韌的Al Dente口感！而佢嘅忌廉汁亦都食得出唔係罐頭質素，相信係自己調製嘅，個汁入邊仲食到有切到好細嘅洋蔥粒同埋蒜片，增加香味！整體來講成個意粉都好好味，如果芝士落返多啲就更加好喇😋
同埋餐廳做得唔好嘅位在於自由餐湯同埋汽水揀，不過可能得老闆自己一個負責煮嘢食，同埋得一位年紀比較大嘅侍應（相信係老闆嘅家父），未必兼顧到水吧～
一路進餐嘅時候其實都發現入嚟幫襯嘅客人全部都係熟客仔，老闆會記得客人嘅喜好，入到嚟又會同客人寒暄幾句講吓最近嘅生意點樣！老闆亦會按照客人嘅特別要求而調教意粉嘅口味等等，呢一切都係食物之中嘅人情味🥰
張貼
