新蒸武門 (已結業)

同朋友喺觀塘行咗好耐，搵極都搵唔到啱心水既餐廳，忽然諗起有朋友提過間叫蒸武門既餐廳唔錯，就上咗openrice search，餐廳喺駱駝漆大廈入面，駱駝漆大廈係區內都幾出名嘅工業大廈，收埋好多餐廳，就決定想去試吓。出咗lift望咗兩眼，發現餐廳喺木門再轉入去，都幾隱蔽，平日晚上去到餐廳內嘅食客都唔少，望左望餐牌，價錢幾經濟實惠，菜式都好吸引。入到去坐低，餐廳提供每位一杯茶飲，有杞子菊花同其他藥材都幾潤喉。我哋兩個人order左一個二人餐晚飯孖寶，係煎肉餅同埋蟹肉西蘭花。另外仲單點左一盅燉湯，清澈冇味精味，啱晒鍾意飲湯嘅我。埋單二百幾蚊，性價比同食物質素成正比，小店來講算幾有hreat，可以再試。