影片
更多
2015-10-20
431 瀏覽
中午見完客，近近地本來想食拉麵, 所以去左登龍街。後來傾傾下行到街尾見到有個幾得意嘅招牌，就入左去試，食店要沿樓梯落地庫。裝修格局幾特別，懷舊得黎又幾modern咁，真係估佢唔到原來係食點心同中式小食, 粉面類。D waitress 好nice, 好細心介紹推介食物，又幫我地預份量。脆皮牛腩 - 係我食過中差不多最好食的，脆皮鬆化，牛腩軟硬適中，好甘香。點埋配汁就冇咁膩。炸章魚丸 - 汁係精髓，酸酸地, 好開胃, 每顆章魚丸都有好多粒章魚碎, 又彈又有口感蜜汁叉燒 - 部位好鬆軟, 味道ok, 不過唔係燒得好香果種奶黃流沙包 - 係我去到邊度食點心都會點嘅，呢個真係估佢唔到, 一咬就勁流心, 奶黃超香。糯米雞 - 正常味道, 好足料, 糯米好乾身，幾好食。不過幾個人share 一隻就夠，都幾飽。燒賣 - 蝦肉比例都好適中，好少肥肉, 大大粒, 唔會散, 味道賣相都係貴價酒樓嘅水準鯪魚球 - 同事點的, 我少食, 比較清淡, 同好爽口彈牙
脆皮牛腩
34 瀏覽
1 讚好
0 留言
炸章魚丸 - 汁係精髓，酸酸地, 好開胃, 每顆章魚丸都有好多粒章魚碎, 又彈又有口感
蜜汁叉燒
30 瀏覽
0 讚好
0 留言
流沙奶黃包
49 瀏覽
0 讚好
0 留言
糯米雞
17 瀏覽
0 讚好
0 留言
燒賣
19 瀏覽
0 讚好
0 留言
鯪魚球
31 瀏覽
0 讚好
0 留言
題外話/補充資料：
雲吞面都好好食, 好似係招牌, 但冇影到, 試左一碗, 不錯, 有蝦子好香, 湯係傳統大地魚, 蝦殼煮成的
(以上食評乃用戶個人意見 , 並不代表OpenRice之觀點。)
張貼
