影片
更多
2018-03-21
128 瀏覽
尖沙咀行完街搵地方食晚飯，不試都想試下啲樓上舖，好似比較抵食，呢間之前己經係openrice收藏咗，就呢晚試下。都係本住會冇乜人嘅心態上嚟望下先，諗住冇咩人就走，點知差不多九點嚟到都仲坐滿人，好熱鬧咁，好彩都仲有位。先叫飲品，我又係揀啲特別啲嘅，呢個似frozen咗啲泡嘅蜜瓜飲品都唔錯，可惜唔記得咗個名，有啲酒精但唔算好勁，易入口。差不多每次去日本餐廳我都會叫燒玉子，如果有明太子或者芝士我就更加會揀，呢度就有明太子喇，雖然好常見嘅菜式，我鐘意食之餘，亦可以睇得出該餐廳水準如何，呢度嘅都唔錯，唯一係如果啲明太子似番那有少許辣嗰種就更好味。北海道菜中當然唔少得蟹，呢度又咁出名蟹蓋，揭開餐牌第二版就有，我又係super fans，就揀咗個最basic嘅，唔要什麼味噌味，主要係生鵪鶉蛋加上蟹肉蟹膏，撈埋一齊食，用旁邊嘅小匙羮慢慢品嚐。明太子沙律，全因為我超鐘意食明太子，一般餐廳都只供應明太子玉子燒，燒明太子等，呢款沙律就第一次見，仲有好多粒明太子，超好味！芥末魷魚就純粹因為鐘意食，食落好鮮但就唔可以話特別喇。點都要叫啲壽司試下，正常啦，新鮮嘅。仲有兩個小食，日式炸豆腐係好常見嘅菜式，呢度勝在炸
先叫飲品，我又係揀啲特別啲嘅，呢個似frozen咗啲泡嘅蜜瓜飲品都唔錯，可惜唔記得咗個名，有啲酒精但唔算好勁，易入口。
差不多每次去日本餐廳我都會叫燒玉子，如果有明太子或者芝士我就更加會揀，呢度就有明太子喇，雖然好常見嘅菜式，我鐘意食之餘，亦可以睇得出該餐廳水準如何，呢度嘅都唔錯，唯一係如果啲明太子似番那有少許辣嗰種就更好味。
明太子雞蛋卷
7 瀏覽
0 讚好
0 留言
北海道菜中當然唔少得蟹，呢度又咁出名蟹蓋，揭開餐牌第二版就有，我又係super fans，就揀咗個最basic嘅，唔要什麼味噌味，主要係生鵪鶉蛋加上蟹肉蟹膏，撈埋一齊食，用旁邊嘅小匙羮慢慢品嚐。
北海道蟹蓋蟹肉蟹膏燒
$78
27 瀏覽
0 讚好
0 留言
明太子沙律，全因為我超鐘意食明太子，一般餐廳都只供應明太子玉子燒，燒明太子等，呢款沙律就第一次見，仲有好多粒明太子，超好味！
芥末魷魚就純粹因為鐘意食，食落好鮮但就唔可以話特別喇。
明太子沙律 & 芥末魷魚
14 瀏覽
0 讚好
0 留言
點都要叫啲壽司試下，正常啦，新鮮嘅。
帶子壽司
8 瀏覽
0 讚好
0 留言
仲有兩個小食，日式炸豆腐係好常見嘅菜式，呢度勝在炸豆腐上淋上生雞蛋，食落滑咗，唔錯。另一個小食都係明太子，好飽滿嘅明太子雞翼食落好滿足，雞翼又夠香口，讚！
日式炸豆腐 ＆ 明太子釀雞翼
13 瀏覽
0 讚好
0 留言
最後就係燒魚，平時好少會揀，因為通常一係比較貴，一係就只係常見嘅鯖魚／鱈魚／三文魚／喜之次。呢種又名花魚就比較少見。有少許日式醬油燒成，唔會太鹹又夠惹味，魚身亦都唔會好多骨，有啲什至已燒成軟骨。
鹽燒 atka mackerel
5 瀏覽
0 讚好
0 留言
題外話/補充資料：
好日本居酒屋feel，整體服務都唔錯，即使好多都有留意要收走食完嘅碟子，當然如果係想嚟傾計就可能會覺得太嘈。
(以上食評乃用戶個人意見 , 並不代表OpenRice之觀點。)
張貼
