高呼 (已結業)

~辣醬卡邦尼蓋飯 $40~美味指數：8.5/10抵食指數：8.5/10上檯果下都覺得有d驚喜，蓋飯都幾大碗，而且賣相同質素望落都好似唔錯！翻開蓋飯發現配料好豐富，煙肉煎得幾香而且份量都幾多！煙肉下面就有五色蔬菜配料～卡邦尼醬雖然同平時食開嘅唔太相同，但份量夠哂撈飯食，而且有些少辣都幾惹味！😋唔錯～～古韓烤肉餅三文治 $40~美味指數：8.5/10抵食指數：8.5/10前排去過韓國食Issac 三文治🍞，有d掛住果種味道，所以知道香港有間賣類似嘅三文治就即刻想去試下～結果都無失望～三文治嘅賣相同韓國食嘅好似！三文治入面有椰菜絲、煎蛋🍳、芝士、醃蘿蔔、蛋黃醬同辣醬～食落辣醬嘅味道比較出，甜甜地又有少少辣～烤肉餅味道亦幾好～不過芝士味道就比較淡～但一口咬落去可以一啖過食到唔同配料，感覺好滿足呀！～紫菜飯卷 $25~美味指數：4/10抵食指數：5/10喺韓國嘅飯捲天國食過好好味嘅飯捲，所以返到香港有時見到飯捲都好想食，試下搵唔搵到好似飯捲天國咁好食嘅～不過呢間嘅飯捲都真係幾失望⋯飯捲嘅飯比較乾身，而且無醬料，食落無咩味⋯雖然喺飯加入左乾蒜粒，但都係無咩味道，而且食落仲有少少苦，同飯捲唔太夾⋯⋯