Schwaz Cake & Cookies @ Homestyle Cafe (已結業)

團購見到呢個餐好吸引，所以就買來試吓。前菜有沙律同茄子，感覺好新鮮健康。個茄子雪得都幾凍，有敏感性牙齒就唔係好啱食哈哈。南瓜湯都幾creamy, 個多士焗得脆脆地，好味! 牛扒有啲令人失望，叫咗五成熟，大部份位置偏un, 而且唔係好食到牛香，應該係一塊唔係好靚嘅牛扒。意粉算係中規中矩，個汁唔夠creamy，整體唔算突出。甜品有驚喜！個芝士蛋糕好軟滑，甜度適中。個焦糖燉蛋係我食過density最高嘅，初初食落去口感似牛油，味道唔錯，好creamy，但食到中途就覺得有啲滯。花茶解滯! 每人$150有甘多野食算係幾抵，餐廳員工都好熱情。但環境有啲迫，而且甘岩個位冷氣滴水，都幾麻煩。