太子沢 (已結業)

第五波疫情即將爆發，趕住喺取消晚市堂食之前盡自己嘅努力食得一餐得一餐。 行經太子， 見到呢間細細哋好精緻嘅日式拉麵店鋪， 就決定即時入去試吓。 兩個人點咗兩個拉麵、兩個小食同嘢飲。 赤沢麵 - 呢個師傅推介， 味道辣辣地，拉麵師傅聲稱同譚仔嘅七小辣同Grade。 個人應為個辣度同小辣一樣咁辣。 拉麵嘅軟硬度適中，配一隻糖心蛋、兩塊豚肉、加大量嘅蔥， 口感味覺一流！ 個湯又惹味， 配埋兩塊豚肉同糖心蛋食， 味道好夾。如果怕食蔥會口臭，建議叫師傅走蔥。🤣🤣黑沢麵 - 朋友點左呢一個拉麵，佢話個湯底好香濃，配有蒜香味， 十分惹味可口。 呢個建議比食唔到辣嘅朋友非常一流！ 芝士年糕 - 呢個係必點嘅，芝士年糕上枱嘅時候仲熱辣辣，入面啲芝士軟林林，好Creamie。 食多兩件都唔會有肥膩嘅感覺。珍味兩點盛 - 呢個小食係由兩個小食組合而成，有辣味螺肉同埋蟹子沙律粒。 辣味螺肉好大粒而彈牙， 啲汁唔會太多，味道啱啱好。而蟹子粒配有適量嘅沙律醬，細細粒容易食。呢間餐廳位於太子，舖頭細細，但食物質素非常高， 而餐廳嘅裝修亦都參滿住日本嘅風程， 配有日本嘅卡通人物等等，添加一份日本嘅風情！ 得閒可以嚟下