Baker Talent

營業中

休息中

近排ig經常見到呢間新加坡過江龍麵包店，上網一搵，發現原來近近地元朗都有分店，就一於湊下熱潮。葡撻 : 見到櫃入面擺滿新鮮出爐嘅葡撻，仲要只係五蚊一個，咁抵食又點可以唔試下？葡撻入口熱辣辣，外皮好鬆脆，雖然有好多層，但食落唔易散，蛋漿香濃嫩滑，味道唔太甜，以咁嘅價錢黎講可以話係超值。蛋白卷蛋 : 奶白色嘅賣相非常吸引，食落好香蛋味，口感軟熟，忌廉唔會太多，令味道唔會太甜。迷你腸仔包 : 店內有好多款唔同嘅迷你麵包，雜錦、腸仔、牛角包等等，應有盡有，最後揀左小朋友最喜歡嘅腸仔包，入口好鬆軟，細細個最適合俾小朋友食。