有蒸氣 海鮮石鍋專門店 (已結業)

今晚又來去食我最鐘意既海鮮粥底火鍋🍲 餐廳都幾隱蔽，我幾乎行錯路！ 跟住google map, 穿過左諾士佛臺既餐廳，行到盡頭，行到個馬路口，向左上望，就會見到寶軒酒店，地下就係有蒸氣啦！！！ 我地點左南瓜雞粥底火鍋，佢哋會先將生米、南瓜粒同埋雞肉先落石鍋，然後再開始蒸其他野！ 最驚喜係佢一開始會先蒸左個蛋🤤🤤再加上黑松露！ 因為我最鐘意食蒸蛋👍🏻👍🏻而且係第一次加黑松露落蒸蛋度，感覺幾新鮮個海鮮套餐就係有鮑魚仔、粉絲聖子、蜆等等既配料！ 最搞笑係我地食個粥時，覺得有d淡口味，我地同餐廳講佢地話因爲佢地全部都係用新鮮食材，完全冇落味精，想客人食到原汁原味。可能我平時食開重口味😂😂所以食得咸既朋友，記得可以叫餐廳幫手落小小鹽👍🏻👍🏻👍🏻另外值得一讚既係 餐廳好闊落，我地兩個人坐得好舒服，而且侍應又好細心，全程都有幫我地蒸海鮮！