Teddy's Cafe (已結業)

在友人帶路下去到呢間餐廳, 的確唔係開車去都有D怕搵唔到 =.='''原來呢間餐廳已營業左好一段時間, 座位分別有室外和室內, 因為間餐廳特點係可以帶埋自己隻小狗去架, (講真...我本身無養狗, 亦未叫好怕, 但食嘢時都會怕d寵物走嚟走去)! 好彩原來佢地係會安排有帶小狗嚟既客人坐係室外位置, 等大家有各自各空間!menu上面款式唔算好多比客人撰擇, 我地一行3人, 點左數款打算一齊share食, ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~分別有 :湯類 : 龍蝦湯頭盤 : 薯蓉焗田螺, 煎鵝肝主菜 : 羊扒, 酥皮鱸魚卷甜品 : 朱古力布甸 (即"心太軟")~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~咁多款食物本人最欣賞"酥皮鱸魚卷", 可能本身我好怕食魚時會有腥味及雪藏味, 點知一d都無! 價錢唔算好平, 但事實佢收咁既價錢又真係比到同等份量!至於環境方面除左交通唔係咁方便外, 本身餐廳環境都比較寧靜, 相約朋友食飯傾吓計都可以一去