幸福小路 (已結業)

早排有同事派散水餅，食到好好味的士多啤梨蛋糕，今日專程去尋覓間蛋糕舖。北角離公司近近地，但個舖頭唔係外面街，係橋底的巷入面，跟住google map 終於搵到。要左下午茶餐70蚊，但想飲的想食的蛋糕都要加錢，埋單85蚊。蛋糕上面有焦糖脆脆，脆脆好特別好味，但唔夠多，忌廉同士多啤梨蛋糕同款，清新不膩。不過中間餡料食唔出係焦糖味。都係士多啤梨蛋糕最出色，臨走打包一件。另外飲品荔枝紅桑子梳打非常普通！梳打水加糖漿咁。早知飲玫瑰拿鐵喇～蛋糕外型同碟都好可愛，好有少女心，同女仔朋友黎下午茶傾計仔都係一個不錯選擇。