影片
更多
2010-04-20
267 瀏覽
早幾日師傅一兜友冇咩野做出左去太子, 遇啱放飯時間又加上鬼死咁肚餓, 於是就諗下有咩好食啦; 師傅忽然靈機一觸醒起呢間食店, 皆因每次行經都不其然會有衝動入去食一餐, 但礙於唔係太多人就係師傅唔肚餓; 有見及此, 機會難逢, 立即飛奔而去!入到食店冇咩人, 師傅第一時間埋去睇下有咩食, 順便望下個賣相得唔得; 最後諗左一陣師傅決定簡簡單單, 於是就柯打左米粉, 豬皮, 豬紅, 牛肚同豬腸, 再順便加少少辣汁! 比完錢就準備攞埋位啦, 唔知係師傅靚仔定一向都有招呼呢, 個阿姐竟然幫師傅捧去個位度, 嗰一下真係有少少感動!坐底後, 師傅第一時間當然係試下個湯底, 湯底嘅柱侯味幾濃, 不過都幾好味, 而且唔多覺有味精添, 第一口嘅印象已經甚佳; 再試下豬皮, 豬皮尚算爽口, 唔會有韌嘅感覺, 而且夠入味, 口感一流, 得喎; 再試豬紅, 豬紅就碎左少少, 而且唔夠滑身, 幸好都入味, 坦白講真係冇邊幾得間有“明記”啲豬紅咁出位; 而牛肚係金錢肚, 個賣相靚過普通牛肚, 而且炆得夠腍夠入味, 師傅好耐冇食過咁正嘅牛肚, 十分好味; 最後係豬腸, 豬腸唔會太肥, 加上炆得夠腍夠入味, 唔會韌到咬
入到食店冇咩人, 師傅第一時間埋去睇下有咩食, 順便望下個賣相得唔得; 最後諗左一陣師傅決定簡簡單單, 於是就柯打左米粉, 豬皮, 豬紅, 牛肚同豬腸, 再順便加少少辣汁! 比完錢就準備攞埋位啦, 唔知係師傅靚仔定一向都有招呼呢, 個阿姐竟然幫師傅捧去個位度, 嗰一下真係有少少感動!
坐底後, 師傅第一時間當然係試下個湯底, 湯底嘅柱侯味幾濃, 不過都幾好味, 而且唔多覺有味精添, 第一口嘅印象已經甚佳; 再試下豬皮, 豬皮尚算爽口, 唔會有韌嘅感覺, 而且夠入味, 口感一流, 得喎; 再試豬紅, 豬紅就碎左少少, 而且唔夠滑身, 幸好都入味, 坦白講真係冇邊幾得間有“明記”啲豬紅咁出位; 而牛肚係金錢肚, 個賣相靚過普通牛肚, 而且炆得夠腍夠入味, 師傅好耐冇食過咁正嘅牛肚, 十分好味; 最後係豬腸, 豬腸唔會太肥, 加上炆得夠腍夠入味, 唔會韌到咬唔開, 所以都幾鬼好食! 而米粉就冇咩特別, 不過勝在配埋佢地嘅辣椒醬, 份外惹味!
總括黎講車仔麵質素不俗, 環境就一般, 服務都可以, 話晒有招呼嘛, 而價錢唔貴, 公價五蚊一個餸, 埋單廿六蚊, 而且份量都唔少, 絕對夠飽! 填滿肚子後, 嗰種充實感真係難以言諭, 而嗰一刻師傅覺得呢間車仔麵比起明記似乎更好, 皆因味精少好多而水準不錯; 呢間食店都算隱蔽, 話晒師傅喺呢區都好多年, 竟然未黎過, 你話仲唔係隱蔽? 同一條街, 一間街頭一間街尾, 師傅由呢一刻起又會多一間好味嘅車仔麵作為選擇; 笑臉一定會比, 必定仲有下次!
張貼
