櫻花日本料理 (已結業)

同友人兩個人慶祝生日，朋友想食日本野，結果搵到呢間係中環新開無耐，其他朋友介紹俾我哋嘅日本餐廳餐廳門口比較隱蔽，需要行到差唔多街尾嘅時候先會見到條樓梯上去黎到餐廳嘅時候，感覺地方都幾大，店員好殷勤咁安排我哋坐係卡位首先我哋叫咗一個刺身沙律，刺身份量算幾多，而且個汁酸酸甜甜好開胃，算幾抵食蔥花吞拿魚腩卷魚油味好香，配合埋蔥花感覺好惹味另外蔥花薄燒和牛片牛肉味好香，牛既油味好豐富，煮得亦都好淋身，不錯鰻魚飯相對份量算好多，鰻魚燒得外層好香脆，但魚肉唔會太乾身，而且個鰻魚汁雖然唔係好多但係好夠味最後食埋個炒雜菜同埋綠茶雪糕，壽星仔同我都感覺好滿意，店員拎個生日蛋糕出嚟氣氛亦都好好，令我哋有個愉快嘅經歷