川味雞烤魚大王 (隆亨商場) (已結業)

今日喺紅梅谷燒烤場行上獅子山，行完梗係大圍搵食，聽朋友講有間晏晝開始就有烤魚火鍋食，唔使等到夜晚，決定一試。餐廳唔大，但間隔幾好，坐位舒服，同朋友擦翻餐勁嘅！最正嘅係，晏晝已經有烤魚套餐食，價格唔貴，只係三百蚊有找，但兩個小鳥胃怕套餐食唔晒會浪費，所以只係叫左一盤酸菜鱸魚加米線。餐廳用鐵盤端上，熱辣辣冒哂煙，湯底酸到十足，且唔會死鹹又不渴喉，配菜仲包羅萬有：鹹酸菜、豆腐、蘿蔔、旺菜、芽菜、芫荽，每一樣都索晒湯汁，而且豆腐唔會好散，蘿蔔亦夠清甜，最後加埋個米線🍜，補充番行完山消耗嘅體力！如果唔想食魚，佢都有其他午餐提供！