影片
更多
2019-10-22
147 瀏覽
今日同朋友食晚餐，嚟到成公司附近，佢介紹左呢間串燒，話淨係開晚市，所以去試下。呢度除左有串燒之外，仲有雞煲食。老闆娘好健談，好好招呼，佢話呢度嘅串燒同雞煲都係即叫即做，而且因為明火燒，所以會好食啲同要俾啲時間。一嚟就試下個雞煲先，你估唔到嘅係，一間串燒專門店係會連雞煲都咁出色。佢有別於一般出邊嘅雞煲，佢係唔會連爐上嘅，而係你落咗order之後佢會即時幫你整一個雞煲然後直接上枱，因為唔係過爐一路煲住嘅關係，所以啲雞全部都好滑。最令我驚喜嘅係佢雞煲嘅配菜，唔係單調嘅洋蔥，而係加咗青瓜，四季豆，青椒紅椒，成個雞煲唔會好油，而且加埋呢啲入晒味嘅青瓜，仲帶有一點清新嘅感覺。真係好食到連一塊洋蔥都唔放過。朋友已經做好準備帶咗一支啤酒嚟迎接串燒。首先係呢個雞泡魚干，甜甜地，唔會燒到好乾，絕對係下酒小食。然後仲有嗌咗個雞扒，雞扒嫩滑，雞皮都燒到脆卜卜。朋友嫌唔夠仲叫埋佢個燒雞皮，脆卜卜熱辣辣，真係越邪惡越好食。另外我仲帶咗佢個蜜糖燒花枝丸，熱辣辣脹卜卜，甜甜地又彈牙。跟住就係重頭戲 - 燒蟶子。蟶子好新鮮，處理得好乾淨白雪雪，燒到啱啱好，啲鮮甜嘅汁連埋粉絲同蒜蓉，真係絕配。然後仲嗌左個翠玉瓜，翠玉瓜感
一嚟就試下個雞煲先，你估唔到嘅係，一間串燒專門店係會連雞煲都咁出色。佢有別於一般出邊嘅雞煲，佢係唔會連爐上嘅，而係你落咗order之後佢會即時幫你整一個雞煲然後直接上枱，因為唔係過爐一路煲住嘅關係，所以啲雞全部都好滑。最令我驚喜嘅係佢雞煲嘅配菜，唔係單調嘅洋蔥，而係加咗青瓜，四季豆，青椒紅椒，成個雞煲唔會好油，而且加埋呢啲入晒味嘅青瓜，仲帶有一點清新嘅感覺。真係好食到連一塊洋蔥都唔放過。
朋友已經做好準備帶咗一支啤酒嚟迎接串燒。
首先係呢個雞泡魚干，甜甜地，唔會燒到好乾，絕對係下酒小食。
然後仲有嗌咗個雞扒，雞扒嫩滑，雞皮都燒到脆卜卜。
朋友嫌唔夠仲叫埋佢個燒雞皮，脆卜卜熱辣辣，真係越邪惡越好食。
另外我仲帶咗佢個蜜糖燒花枝丸，熱辣辣脹卜卜，甜甜地又彈牙。
跟住就係重頭戲 - 燒蟶子。蟶子好新鮮，處理得好乾淨白雪雪，燒到啱啱好，啲鮮甜嘅汁連埋粉絲同蒜蓉，真係絕配。
然後仲嗌左個翠玉瓜，翠玉瓜感覺唔夠乾身，但係甜甜地都幾好食。
而燒韭菜，都係唔夠乾身，比較濕，如果孜然粉再多一啲會更加好食。
食串燒點可以少得燒茄子，呢條燒茄子真係好大條，鋪滿蒜蓉，燒到啱啱好，好食到停唔到口。
最後點少得燒菠蘿嘅出場，燒菠蘿燒得好乾身，但係一咬開就爆汁，而且好甜，係一個最好嘅甜品。
佢呢度除咗有一般嘅啤酒同汽水之外，仲有啲自家製嘅涼茶，同埋一啲手工啤同大酒都可以選擇。講起自家製嘅嘢，佢呢度仲有自家製辣椒粉，我試咗一啖已經辣到不得了，但係愛食辣嘅朋友竟然可以成兜用晒，因為佢個辣椒粉真係好香。
張貼
