Cafe Whale (已結業)

香港仔好食嘅Burger唔多，Café Whale🐳係一間小店，隱藏咗喺屋苑下面，如果唔係朋友介紹，真係唔識嚟～店內面積唔大，只有大約10個座位，店外就有一張小枱，但小店裝飾有心思。餐牌上大約有十款漢堡，仲有小食同埋咖啡☕️\ 🍔珍寶安格斯牛肉漢堡 ($80) /Burger即叫即做，所以一上枱時就聞到好香嘅牛肉味，漢堡係有厚度，咬落去有好多肉汁好Juicy，煎得剛剛好，肉中間仲係粉嫩色，唔會overcooked。平時burger塊包我未必會食晒，但今次個塊包外皮脆，內裡鬆軟，有好香嘅牛油味🧈，明明好飽我都食晒！如果嫌佢啲配料唔夠，仲可以另外加煙肉🥓芝士🧀蘑菇🍄洋蔥🧅，滿足唔同人嘅需求～\ 🍟薯條($25) + 🍠炸蕃薯條($28) /又係即叫即炸，薯條係粗身薯條，無乜特別，但佢個炸蕃薯條就勁好食，因為岩岩炸起，外脆內軟，甜甜的，推介⭐️食Burger會送汽水一罐🥤，或者餐牌上嘅咖啡減$10，當日天氣有d熱，所以我就索性飲罐汽水。因為店舖近魚市場🐋，聽朋友講佢嘅魚柳唔係用冰鮮魚，而係店家每日去香港仔漁市場買新鮮魚返黎整，作為黑松露fans嘅我，下次黎一定要試下佢個「黑松露醬沙巴龍躉漢堡」！