小明珠

營業中

休息中

-川滬菜中小籠包是我至愛，今次完全為佢而來，價錢幾抵食，餐廳環境就好似中式大排檔一樣熱鬧，好適合一班朋友過嚟食嘢！招牌小籠包🥟 $45 (4隻）熱辣辣嘅小籠包記得趁熱食，呢度嘅皮有微微厚度，所以小籠包冇咁容易穿，仲保住入面湯汁，一入口外皮微煙韌有咬口，入面肉量剛好又勁ᴊᴜɪᴄʏ，帶少少灌湯餃嘅感覺，難怪喺呢度招牌！🤎上海粗炒🐷 $98呢個有驚喜，估唔到粗麵唔會煮到太腍，好似稻庭烏冬咁略帶煙靭口感，另外調味啱啱好，唔會煮得太過鹹，包括大量豬肉同埋蔬菜，粗炒表面上有少少油光，但係油的份量啱啱好，仲食到廚師鑊氣，推介！🍶花雕醉雞🐥 $78好喜歡花雕醉雞呢個凍盤，花雕汁酒味香濃，雞肉連皮骨上，雞肉質素OK，唔會有雪味，合格！🐟豆豉鯪魚油麥菜🥬 $98呢個豆豉鯪魚油麥菜調味啱啱好，之前食過鹹到苦嘅油麥菜，但呢度配合豆豉鯪魚的醬汁調味，唔會再加過份多嘅豉油，單食都OK。呢度份量多，CP值高，食物質素都不錯。估唔到呢到服務幾好，侍應姐姐又會推介菜式又會問我飲唔飲豆漿。(〃∀〃)夜晚都有機會排隊，最好提前訂位。