影片
更多
2019-09-18
76 瀏覽
等男朋友等到頸都長埋，終於見到面，去超市買嘢前食返個拉麵先，但去到已經排晒長龍，我地係第九張檯，以為起碼等半個鐘啦，點知佢又竟然十五分鐘入得。店舖細細，但咁多人排隊食，緊係要試下佢有咩可取之處啦。原來佢啲拉麵唔貴，50蚊左右可以有交易，而且有三種食法任君選擇，分別係沾麵，湯麵同油麵（姐係撈麵）。我就嗌左佢個最基本嘅湯拉麵嚟試下先，佢個湯唔算十分油，睇落好濃，飲落都好夠味。佢個燒叉燒係甜甜地嘅，都好軟腍，最抵讚係佢啲拉麵，好似做左負離子咁直，我第一次食呢種拉麵，好彈牙同滑好多。另外佢個醃筍係辣辣地嘅，令到啲筍味冇咁濃，岩我食。男朋友就嗌左個叉燒沾麵，佢個湯比起其他店嚟講比較淡同稀，可能呢啲係佢嘅特色。另外加左個味蛋，佢個蛋黃夠流心但唔夠甜，淡味左小小，可能係因為個湯再濃，有對比。但佢個煎餃子雖然賣相一般，但係就隻隻麵實的的，脹卜卜好足料。而且剪到個底好香脆。兩個人食到飽飽都係90蚊位，唔錯。
店舖細細，但咁多人排隊食，緊係要試下佢有咩可取之處啦。原來佢啲拉麵唔貴，50蚊左右可以有交易，而且有三種食法任君選擇，分別係沾麵，湯麵同油麵（姐係撈麵）。
我就嗌左佢個最基本嘅湯拉麵嚟試下先，佢個湯唔算十分油，睇落好濃，飲落都好夠味。佢個燒叉燒係甜甜地嘅，都好軟腍，最抵讚係佢啲拉麵，好似做左負離子咁直，我第一次食呢種拉麵，好彈牙同滑好多。另外佢個醃筍係辣辣地嘅，令到啲筍味冇咁濃，岩我食。
男朋友就嗌左個叉燒沾麵，佢個湯比起其他店嚟講比較淡同稀，可能呢啲係佢嘅特色。
另外加左個味蛋，佢個蛋黃夠流心但唔夠甜，淡味左小小，可能係因為個湯再濃，有對比。
但佢個煎餃子雖然賣相一般，但係就隻隻麵實的的，脹卜卜好足料。而且剪到個底好香脆。
兩個人食到飽飽都係90蚊位，唔錯。
張貼
