影片
更多
2022-06-05
1637 瀏覽
香港地舖租貴就係人都知，正正就係因為呢個原因迫使好多有料嘅餐廳因為負擔唔起昂貴鋪租而選擇落户橫街中🥺 今次要介紹嘅餐廳無論服務、質素及性價比都完全達到哂我哋嘅要求😎 我哋講緊邊間餐廳？就係銅鑼灣嘅拉麵凪見主廚 Nelson 個人肥嘟嘟，以為佢係做廚出身喇，近廚得食呀嘛😂 點知傾開計先知佢做體育記者出身，而且仲去過日本學煮拉麵添，份人對拉麵和烹調仲好有熱誠添🔥 仲要極大部份嘅食材因為未到佢要求而選擇自製，例如佢哋自己烹調嘅豚骨湯底，自己手打麵條，甚至乎係阿波尾雞翼嘅黑豉油汁都係自家製造！唔怪得知佢哋嘅湯底好有日本拉麵舖嘅味道🤤驚喜位係佢哋嘅服務真係好好，超細心！例如你叫黑蒜油拉麵， Nelson會問你需唔需要圍巾，唔好比黑蒜油整污糟你件衫。店員詳細介紹每一款產品，亦唔會hard sell，服務好過好多坊間嘅高檔日式餐廳👍🏻豚骨拉麵($91)：湯底有得俾你揀濃厚度、咸度、蒜泥等，今次我哋就揀咗超濃厚、濃和多蒜泥，而麵質我哋揀咗超硬。我哋覺得呢個組合幾好，飲得出湯底嘅鮮甜，同時蒜泥亦唔會搶哂豚骨嘅香！麵質彈牙又掛湯，揀超硬都無出現過未熟透嘅情況！塊叉燒都好正，係薄咗少少喇！辣柚子豚骨拉麵 (
見主廚 Nelson 個人肥嘟嘟，以為佢係做廚出身喇，近廚得食呀嘛😂 點知傾開計先知佢做體育記者出身，而且仲去過日本學煮拉麵添，份人對拉麵和烹調仲好有熱誠添🔥 仲要極大部份嘅食材因為未到佢要求而選擇自製，例如佢哋自己烹調嘅豚骨湯底，自己手打麵條，甚至乎係阿波尾雞翼嘅黑豉油汁都係自家製造！唔怪得知佢哋嘅湯底好有日本拉麵舖嘅味道🤤
驚喜位係佢哋嘅服務真係好好，超細心！例如你叫黑蒜油拉麵， Nelson會問你需唔需要圍巾，唔好比黑蒜油整污糟你件衫。店員詳細介紹每一款產品，亦唔會hard sell，服務好過好多坊間嘅高檔日式餐廳👍🏻
豚骨拉麵($91)：湯底有得俾你揀濃厚度、咸度、蒜泥等，今次我哋就揀咗超濃厚、濃和多蒜泥，而麵質我哋揀咗超硬。我哋覺得呢個組合幾好，飲得出湯底嘅鮮甜，同時蒜泥亦唔會搶哂豚骨嘅香！麵質彈牙又掛湯，揀超硬都無出現過未熟透嘅情況！塊叉燒都好正，係薄咗少少喇！
辣柚子豚骨拉麵 ($唔記得)：成個湯底味道酸酸辣辣，好有夏天嘅感覺，佢個辣會令到你標晒汗，呢度做得幾好。仲有佢嘅叉燒係由德島県彩雞雞髀肉所做，完全不含激素的。麵質都係正正常常，不過我哋會覺得個味道不及佢哋嘅王牌，豚骨拉麵😎
凪豚餃 ($23/3件)：餃子皮和入邊個餡都係自家製，真正做到皮薄餡靚，食落鮮嫩多汁🤤
阿波尾雞翼 ($33/ 2隻)：生炸雞翼，淨係呢點已經誠意十足🥹上到枱見到隻手攞唔起，店員會提供廚房紙俾你包住嚟食，仲溫馨提示一定要趁熱食，因為凍咗肉汁會流失，加分！連埋佢哋嗰個自家製黑豉油，外脆內軟，口感十足👍🏻👍🏻👍🏻
總結，呢度嘅服務真係好好，最難能可貴嘅係主廚對”烹調”嘅一份執着，並唔會屈服於成本計算上而犧牲產品質素，呢一樣嘢係現今社會已經好難得，正正就係呢一份執着，令到佢哋喺呢個拉麵舖多個茶餐廳嘅世界上，依然屹立不倒。我哋衷心希望主廚Nelson和一眾同事可以保持呢份熱誠，並加以傳承🙏🏻
香港人係值得食更好嘅拉麵，而唔係機械式出產，煮衰咗照俾客食嘅拉麵舖🥲
張貼
