Burger's Friend Forever (希慎廣場)

營業中

休息中

今日晏晝去銅鑼灣附近行街，咁岩去希慎廣場度行下睇下盲盒玩具，點知發現原來附左樓上有food court 咁多美食之外，原來B2果層都有好多野食。同屋企人走去食個下午茶先。我見到呢間漢堡店啲種類都好多，好吸引🤩我叫左個候斯頓漢堡包餐BBQ跟薯條同可樂🩷🩷🩷🩷🩷🩷 佢個漢堡包表面好脆內軟，而且個牛肉漢堡扒煎到岩岩好，好juicy之餘又唔會好乾，配搭BBQ醬再加埋啲脆洋蔥，生紫洋蔥，蕃茄生菜同埋車打芝士，增加豐富嘅口味，好過癮又好食🤤個套餐仲加配咗薯條炸到好夠香口乾脆，飲埋罐可樂好爽，正呀呢個搭配👍🏻另外我見到佢有意粉系列，我叫咗白酒蜆肉意粉配黑松露雞菌湯同埋田園沙律🩷🩷🩷🩷🩷個意粉一嚟到真係覺得物有所值，勁爆多蜆肉同埋食落去係彈牙，再加多少少白酒落去煮，帶出蜆肉嘅鮮味，意粉軟硬適中，外觀已經好夠吸引，仲要好有內涵。黑松露雞菌湯飲到絞碎咗嘅菌類既粒粒口感，再配埋黑松露嘅香味田園沙律沙律都好夠新鮮爽脆，配搭酸甜嘅汁好開胃。冇諗過呢度隱藏咗間高質漢堡包店👍🏻下次再食吓其他漢堡包。