影片
更多
2022-08-24
106 瀏覽
喰(音：餐）楽，意思係食飯嘅快樂😋 呢間位於觀塘工廈入面嘅壽喜燒小店，真係帶到「喰楽」畀客人😆 店內只係擺咗4張枱，啲枱都擺得疏，仲要枱同枱中間都會用竹簾同屏風隔開～ 所以食之前一定要book位！ 餐廳中午會提供關東風嘅壽喜燒，即係類似打邊爐嗰種，係將牛肉放入湯入面煮嘅～ 而晚市就會提供關西風嘅壽喜燒，就係將牛肉同蔬菜加入壽喜燒汁煎煮～侍應係會埋枱幫手煮，我哋完全唔使自己落手😌 侍應仲會keep住問會唔會太濃味，非常之細心～餐廳仲提供咗熱嘅白桃茶，好解膩，配搭咁油膩嘅和牛真係啱啱好☺️•📸 澳洲產和牛 & 日本產 A5 和牛 $458因為當晚美國產牛肉沽清，所以我哋就叫咗呢款試吓～ 侍應首先會用和牛脂肪開鑊，然後再順序逐樣食材咁煮，而蔬菜同和牛係會間住間住咁煮嘅～大蔥➡️牛➡️冬菇、豆腐、紅蘿蔔➡️牛➡️金菇芋絲➡️牛➡️洋蔥、皇帝菜個餐係配埋日本生雞蛋同埋白飯，雖然碗白飯好似有啲少，但其實係可以refill嘅～ 同埋到最後係會有個「特色飯點」，所以中間唔夠飯都唔緊要🫢•🥢 三式前菜 (由調味最淡食到最濃味)🥬洋蔥汁醃波菜：酸酸甜甜好開胃👍🏼🥟和牛餃子：用咗清甜嘅鰹魚汁配餃子，牛味幾濃郁，而餡嘅口感
餐廳中午會提供關東風嘅壽喜燒，即係類似打邊爐嗰種，係將牛肉放入湯入面煮嘅～ 而晚市就會提供關西風嘅壽喜燒，就係將牛肉同蔬菜加入壽喜燒汁煎煮～侍應係會埋枱幫手煮，我哋完全唔使自己落手😌 侍應仲會keep住問會唔會太濃味，非常之細心～
餐廳仲提供咗熱嘅白桃茶，好解膩，配搭咁油膩嘅和牛真係啱啱好☺️
•
📸 澳洲產和牛 & 日本產 A5 和牛 $458
因為當晚美國產牛肉沽清，所以我哋就叫咗呢款試吓～
侍應首先會用和牛脂肪開鑊，然後再順序逐樣食材咁煮，而蔬菜同和牛係會間住間住咁煮嘅～
大蔥➡️牛➡️冬菇、豆腐、紅蘿蔔➡️牛➡️金菇芋絲➡️牛➡️洋蔥、皇帝菜
個餐係配埋日本生雞蛋同埋白飯，雖然碗白飯好似有啲少，但其實係可以refill嘅～ 同埋到最後係會有個「特色飯點」，所以中間唔夠飯都唔緊要🫢
澳洲產和牛 & 日本產A5和牛
11 瀏覽
1 讚好
0 留言
•
🥢 三式前菜 (由調味最淡食到最濃味)
🥬洋蔥汁醃波菜：酸酸甜甜好開胃👍🏼
🥟和牛餃子：用咗清甜嘅鰹魚汁配餃子，牛味幾濃郁，而餡嘅口感偏實嗰種～ 整體都幾正😛
🦀蟹肉蟹膏玉子燒：蟹味真係好濃郁，加埋粒粒芝麻，同滑溜嘅玉子燒都幾夾～
三式前菜
5 瀏覽
0 讚好
0 留言
•
🥢澳洲產和牛 & 日本產A5和牛
每人都有6片肉，3片係日本和牛、3片係澳洲和牛🤤店員會由牛味比較淡嘅開始煮，然後煮到牛味最濃嘅～而🇯🇵日本和牛嘅油脂感重啲，🇦🇺澳洲和牛就牛味比較濃。
日本和牛肩胛心：脂肪比例多啲，牛味無咁濃，食落好重油香，所以口感都會腍啲🤤
日本和牛肩里脊：牛味同油香比較平衡，比較juicy😍
日本牛肩：肉味同纖維感會比較重，相對無咁油～
澳洲牛肩：肉味明顯比日本嘅重啲，纖維感都重(即係有啲啲嚡口🫢)
澳洲M9和牛後腿肉：咬多幾啖之後啲牛味就開始出，牛味稍為再濃啲～
和尚頭：呢片一入口就牛味爆發🤩真係牛味最濃嘅一件～
💬個人比較鍾意油香味濃啲嘅日本和牛，不過如果壽喜燒牛肉配埋蛋汁嘅話，其實肉味濃啲嘅澳洲和牛都好正，因為加咗蛋汁可以令澳洲和口滑溜好多😍🤤
•
🥢 kuuraku特式飯點
食晒蔬菜同肉之後，就到呢個「炒」飯～ 雖然侍應話呢個係「炒」飯，但呢個係比較濕身嗰種，食落好香🤤用咗牛粒、雞蛋加上壽喜燒汁煮嘅炒飯，炒完再加埋櫻花蝦、芝麻紫菜同蔥花，味道好有層次🤩 真係要留肚食埋呢個飯🤣
kuuraku特式飯點
5 瀏覽
0 讚好
0 留言
•
🥢 荔枝雪糕
荔枝味香濃清新，質地比較似雪芭多過雪糕～係一個好refreshing嘅結尾😋 可以清一清壽喜燒嘅油膩感👍🏼
荔枝雪糕
6 瀏覽
0 讚好
0 留言
張貼
