HighFive (已結業)

九龍城雲集超過一百間泰國餐廳，可說是「泰國之城」！得知有間新開的餐廳西餐廳 HighFive！間餐廳隔離係 Pantry, HighFive 招牌唔起眼， 我同朋友各自去都行過咗龍！當晚，間餐廳算冷清！計埋我們兩個，只得五個客！ 這裡位於舊樓的地舖，勝在樓底高！ 佈置也花上心思！選擇貴精不貴多！食物質素不錯！Fish and Chips $75即叫即製熱辣辣，魚肉厚而挺身卻不腍散！配上自家製沙律醬更一流！ 沙律醬混合烚蛋碎及青瓜，啖啖清爽倍清新！ 薯角份量十足又薯味濃郁！大家也食得滋味無窮！ 慢煮豬肉配蘋蓉 $248落單時，男店員告訴我們要等上半小時，伴碟色彩繽紛的蔬菜除了令賣相更吸引之外，亦可以減油膩感，整體擺盤花上心思！豬肉可保留肉質及應有的質感，帶點脂肪，富肉香又多汁！ 份量都幾大！洋甘菊玫瑰薰衣草茶 $29有舒緩緊張的寧神作用！兩個細食嘅女人都夠飽嘞！