Amour Cafe (已搬遷) 新店位置

之前見到呢間Cafe以為佢係飲咖啡嘅，點知佢原來係食西餐嘅，問返啲同事原來佢係做得非常之出色嘅，所以今日就同朋友仔一齊去咗呢度食lunch，識我掛梵高既畫，老闆一定有啲taste。朋友叫咗個蒜香豬柳意粉，我自己就叫咗個雞扒長通粉，嗰個長通粉有非常之濃芝士香草味，個雞扒好好味呀，煎香兩面，雞肉有雞味又滑，絕對有水準，但唔知點解有啲生菜絲係個長通粉，份量都好多，食完都飽飽地，仲有甜品，好多人都推介嗰個吉士蛋，我同朋友就各自叫咗一個芝士餅同吉士蛋，但係個吉士蛋味道比較淡同我地想像中有啲唔同，相反呢個芝士餅味道比較輕而且唔會好膩，所以我地鍾意個芝士餅多啲。下次再試埋其他選擇先。