丼丼屋 (已結業)

琴日同屋企人去開樂富購物，行到晏晝，見餓餓地，就去搵吓附近有咩好食。作為日本控既我， 見到丼丼屋，就二話不說決定去呢間食午餐。由於我哋去到嘅時候已經大約兩點半，所以我哋決定點下午茶餐。佢哋下午茶餐有大概九款野食俾你揀，有魚生飯、咖喱飯、炸豬扒滑蛋飯、等等等等。而我今次就點左炸豬扒滑蛋飯。炸豬扒滑蛋飯塊炸豬扒熱辣辣，外皮脆卜卜， 但係裏面啲肉一啲都唔實，非常好食。配埋炸豬扒下面嘅滑蛋撈飯一齊食，成個口感好有層次，非常有日本嘅風味。呢次已經係我第二次食呢個炸豬扒滑蛋飯，質素依然非常好，下次去樂富一定會去返呢間丼丼屋食佢哋呢間炸豬扒滑蛋飯。