瀛豐放題料理專門店 (已搬遷) 新店位置

呢日去銅鑼灣接姐妹收工，大家全日乜都無落過肚，就提議搵間放題刷餐勁既見呢間早鳥時段$200有找，餐牌目錄又好似好多野揀，就即刻打去留位～上到去得我地呢台客，以為係時間尚早，但點餐先知原來好少野揀，好多野食都顯示未有供應刺身得幾款，尚算新鮮。火灸壽司燒得幾金黃，大細正常，不過不失。炸物最穩陣，間間放題都差無幾。雞翼係即炸，外圍香脆，內裡幾滑幾多汁。唔知點解日式放題泰國茶仲多過日本野⋯⋯一口牛位置唔靚，好多肥油，口感好韌，調味又太鹹。豆腐炸得唔錯，香口得黎乾爽唔油膩，炸粉裹得好薄，外脆內軟。蒜蓉足料，扇貝都算大隻，encore左一轉。第一次見放題有樟茶鴨，但好乾又無乜肉，好似食梗柴皮咁最好食應該要數呢個羊腩外脆內嫩，肉質入口即化，夠羶味炸香蕉食落又油又膩，高溫處理過令佢甜度提升左，更加漏本來見目錄上有成廿款甜品，點知出到自助吧得四五款甜品杯，睇相就知味道如何失望既一次放題。