新派韓食館 (已結業)

無諗過屋邨會開一間幾有特色嘅韓食店，說真的，和屋邨商場的格調真的有點差距。新開不久，晚上都排晒隊，所以選擇走來食嗰晏先。午餐無set， 都係散叫餐牌上的菜式。落完單已經送上紫菜湯同小吃（芽菜，泡菜）。紫菜湯夠熱，味道很清，但不會覺得淡同稀，個人認為好飲。稍嫌泡菜有點過鹹。「卡邦尼粉絲年糕」- 奶味不算重，粉絲幾彈牙，年糕夠煙韌，食落不會太膩，不過都幾多，起碼有3,4個人以上先好叫，1,2個人食可能會太多。韓食不能少的炸雞，叫了一辣一唔辣。「韓式大蔥蜜糖炸雞」，雞很香脆，淡淡蜜糖味，熱辣辣上碟，肉質也鬆軟。另外「韓式火辣醬爆炸雞」，辣味醬辣中帶甜，辣度屬於小辣，喜歡大辣的應該覺得佢唔夠辣，不過我就覺得因為小辣，所以仍然食到雞肉味，而且夠香口。「海鮮韮菜煎餅」- 睇個樣就無咩特別，食落又真係有鮮味，尤其魷魚食落感覺夠新鮮，整體味道適中又夠熱。「綜合韓國飯卷」- 好屋企feel ,雖然係腸仔，蘿蔔，青瓜，好基本野，但係就好似係屋企整嘅卷物，味道都唔錯。「 漢拿山芝士蛋溶岩豚肉炒飯（辣） 」-侍應係你旁邊即刻整，飯真的香口，中辣程度，芝士溶在飯裏，熱辣辣放入口中，好滋味。「 濟洲豬腩石頭伴飯