影片
更多
2024-03-10
20 瀏覽
聽朋友介紹呢間餐廳嘅港式邊爐好有誠意，今日終於有機會嚟試試佢啦！不論門面定環境都好有特色，打卡一流！食物種類都好豐富！牛羊雞海鮮應有盡有，價錢亦都合理。係揀緊食物嘅時候店員會遞上醬料畀客人揀，當中推薦自家製嘅蔥油同沙嗲醬。自家製蔥油 $58 280ml試左個蔥油之後二話不說同店員買左樽，實在太惹味，平時食野煮野都啱用， 先嚟張邊爐大合照，勁豐富好味湯底揀左卜卜蜆豬骨煲 $238，店員建議先飲湯同食左卜卜蜆先再開始滾野食。想講湯底真係好鮮甜，飲一碗係絕對唔夠喉，而蜆亦都好新鮮，隻隻都好肥美冇沙。椒鹽豆腐 $72滾野食要時間等，所以叫左個小食。佢嘅椒鹽豆腐好有風味，仲出色過大排檔，唔會油立立，而且份量好多。扇貝 $38/隻 鮑魚 $58/隻先講扇貝，好大隻亦都抱曬膏，滾完都好大隻好肥，好鮮。至於鮑魚好彈牙，好爽口。兩款海鮮店員都已經預先幫手𠝹左殼，打完卡都方便食。鯊魚唇 $98比較少見嘅食材，口感類似花膠，煮完之後吸曬啲湯汁，好鮮甜軟稔。手打五寶丸 $98佢嘅丸類都好多選擇，諗唔到點揀就呢一款有齊曬朋友強推佢嘅丸，絕對唔係平時出面個啲丸，呢度每一粒都非常非常Q彈，用料亦好新鮮，必試！牛魔王
不論門面定環境都好有特色，打卡一流！
食物種類都好豐富！牛羊雞海鮮應有盡有，價錢亦都合理。
係揀緊食物嘅時候店員會遞上醬料畀客人揀，當中推薦自家製嘅蔥油同沙嗲醬。
自家製蔥油 $58 280ml
試左個蔥油之後二話不說同店員買左樽，實在太惹味，平時食野煮野都啱用，
先嚟張邊爐大合照，勁豐富好味
湯底揀左卜卜蜆豬骨煲 $238，店員建議先飲湯同食左卜卜蜆先再開始滾野食。想講湯底真係好鮮甜，飲一碗係絕對唔夠喉，而蜆亦都好新鮮，隻隻都好肥美冇沙。
椒鹽豆腐 $72
滾野食要時間等，所以叫左個小食。佢嘅椒鹽豆腐好有風味，仲出色過大排檔，唔會油立立，而且份量好多。
扇貝 $38/隻 鮑魚 $58/隻
先講扇貝，好大隻亦都抱曬膏，滾完都好大隻好肥，好鮮。至於鮑魚好彈牙，好爽口。兩款海鮮店員都已經預先幫手𠝹左殼，打完卡都方便食。
鯊魚唇 $98
比較少見嘅食材，口感類似花膠，煮完之後吸曬啲湯汁，好鮮甜軟稔。
手打五寶丸 $98
佢嘅丸類都好多選擇，諗唔到點揀就呢一款有齊曬朋友強推佢嘅丸，絕對唔係平時出面個啲丸，呢度每一粒都非常非常Q彈，用料亦好新鮮，必試！
牛魔王拼盤 $468
重頭戲終於嚟啦！成盤牛用料上盛，其中牛胸尖同牛脷托都係比較少見，較少食到，加上仲有本地手切靚牛，真係好新鮮！全部食落牛味濃又唔會韌。
總結： 試完之後，會再翻食，呢度環境好適合成班兄弟一齊打邊爐吹水，食物亦好高水準，一定食得好盡興！
張貼
