影片
更多
2022-07-26
875 瀏覽
是日同壽星食生日飯，見網上有唔少好評，所以打算出城，遠征中環，幫壽星準備回味家鄉備長炭之旅，但估唔到遊日變遊澳門.....餐廳很有日本居酒屋風味，可惜坐位逼夾，通道只有一個身位。座位安排左唔係bar枱的2人位，一坐底已經feel到悶熱，要左杯冰水唔使15分鐘已經溶哂...見有bar枱想轉，店員就話留左枱同油煙好大唔建議，原來係同area 的3個女生轉去，佢地一去到已經話涼好多，但係keep 住坐滿，轉唔到都無法。食物方面味道都不錯, 上菜速度算快，同壽星order左枝清酒，本身打算揀其他款，店員極力推薦原價$1100的清酒，當日咁岩做緊半價，無所謂啦，生日飯預左食得豪啲。食左2個鐘左右，特別的'驚起'就黎，上演左場水舞間，主角當然係我同壽星啦，半邊身濕哂，啲水好似閘門咁完全逃走唔到，只好等水停，附近客人都好熱心遞上紙巾，可惜無用...表演完畢，當然係馬上轉位，可惜心情已大打折扣，但唔想影響壽星心情，唯有當無事發生。除了重新安排已經游左水的食物，即時refill一壺清酒，但唔係我地本身order個枝 (事後聽壽星講，原來水舞間個陣，店員有講過可以任選一款refill返，點知一轉完位就用大
餐廳很有日本居酒屋風味，可惜坐位逼夾，通道只有一個身位。
座位安排左唔係bar枱的2人位，一坐底已經feel到悶熱，要左杯冰水唔使15分鐘已經溶哂...見有bar枱想轉，店員就話留左枱同油煙好大唔建議，原來係同area 的3個女生轉去，佢地一去到已經話涼好多，但係keep 住坐滿，轉唔到都無法。
食物方面味道都不錯, 上菜速度算快，同壽星order左枝清酒，本身打算揀其他款，店員極力推薦原價$1100的清酒，當日咁岩做緊半價，無所謂啦，生日飯預左食得豪啲。
食左2個鐘左右，特別的'驚起'就黎，上演左場水舞間，主角當然係我同壽星啦，半邊身濕哂，啲水好似閘門咁完全逃走唔到，只好等水停，附近客人都好熱心遞上紙巾，可惜無用...
表演完畢，當然係馬上轉位，可惜心情已大打折扣，但唔想影響壽星心情，唯有當無事發生。除了重新安排已經游左水的食物，即時refill一壺清酒，但唔係我地本身order個枝 (事後聽壽星講，原來水舞間個陣，店員有講過可以任選一款refill返，點知一轉完位就用大枝裝house sake refill, 見我無反應，所以無出聲，其實我係無聽到=[ )
事後，店家只有送上燒鱈魚乾作為賠罪。
估唔到，隔左唔夠2個鐘，又上演另一場水舞間係同一位置，相信唔係第一日發生。幸好，水量較少，亦無其他客人坐在那位置。
回到家，我同壽星都有肚仔唔舒服，探左幾次大口仔，唔知關唔關水舞間事😣
呢次的經歷真係好失望，特別係店家的處理手法，真係無下次。食物方面雖然不錯，但同等level的串燒店係尖沙咀都有不少，至少係酷熱天氣的情況下，冷氣比較充足。
張貼
