影片
更多
2018-03-22
244 瀏覽
今晚Kiwi同友人係銅鑼灣睇完戲先食晚飯，都已經係十點幾嘅時候，於是就去戲院附近嘅登龍街覓食。大家都知登龍街有唔少嘅拉麵店，而Kiwi因為豚王搬遷後都仲未食過就決定一試。店面同普通日本拉麵店差唔多，但最特別嘅係可能配合櫻花季節，天花四邊多咗粉粉嘅櫻花，好靚呀！拉麵有5個湯底選擇，亦配合唔同人嘅口味有醬油多少，叉燒肉種類，麵嘅軟硬度等選擇，仲有廚師推薦嘅口味添！Kiwi叫嘅係豚王，屬原味豚骨湯底，可以感受到豚肉嘅鮮味同甜味，濃得嚟又唔會覺得好油膩。叉燒肉就揀咗肩肉，腍得嚟又冇咁油膩。至於麵底就揀咗太麵(扁平麵)，比較粗身食落滿足感大增。友人揀嘅係黑王配合腩肉太麵。烏卒卒嘅湯底就好似墨魚汁咁好濃味，仲有好香嘅香味油，而腩肉就肥得嚟又唔會好滯，好有飽足感。整體而言，湯底好正，有5個湯底配合唔同人嘅需要。不過份量嚟講如果女仔食會覺得剛好，男仔食就可能要加底啦~
店面同普通日本拉麵店差唔多，但最特別嘅係可能配合櫻花季節，天花四邊多咗粉粉嘅櫻花，好靚呀！
拉麵有5個湯底選擇，亦配合唔同人嘅口味有醬油多少，叉燒肉種類，麵嘅軟硬度等選擇，仲有廚師推薦嘅口味添！
Kiwi叫嘅係豚王，屬原味豚骨湯底，可以感受到豚肉嘅鮮味同甜味，濃得嚟又唔會覺得好油膩。叉燒肉就揀咗肩肉，腍得嚟又冇咁油膩。至於麵底就揀咗太麵(扁平麵)，比較粗身食落滿足感大增。
友人揀嘅係黑王配合腩肉太麵。烏卒卒嘅湯底就好似墨魚汁咁好濃味，仲有好香嘅香味油，而腩肉就肥得嚟又唔會好滯，好有飽足感。
整體而言，湯底好正，有5個湯底配合唔同人嘅需要。不過份量嚟講如果女仔食會覺得剛好，男仔食就可能要加底啦~
張貼
