等等HEA

營業中

休息中

今日星期日，特登去九龍城搵食，次次落去都食泰國嘢，今次不如食其他啦，想OpenRice見到呢一間餐廳，有幾多人like，特登行過去睇吓間餐廳。見到入邊都冇人食，見到佢門口寫有雞煲又烤魚，然後即刻有個姐姐沖出嚟，係咁話我平啲俾你啊， 399兩位，我話仲有冇其他費用啊？佢話加埋501，再送埋嘢飲俾我哋任飲，跟手我行咗一陣間，是但啦去試吓啦。入到去，叫咗個烤魚香辣味，上到嚟見到個湯底就已經唔對路，唏哩呼嚕水咁嘅樣，條魚硬骨骨又魚腥味好重，啲魚肉又硬。佢有啲小食 流心蛋，只有這個我覺得OK，阿宗麵線難食沒有味道的，鹽酥雞不過不失，台式飲品都係一般嘢。然之後再叫一個細細份嘅雞煲，我都唔敢叫太大份一陣間唔好食又浪費咗，點知啲雞有兩種唔同嘅樣，我極度懷疑係啲炸雞用唔使炒埋一堆當雞煲上。 加埋食咗都冇30分鐘，我已經走啦，因為真係好難食。買單睇清楚，原來仲有每一位$28的假日附加費。一定唔會再有下一次。