中華滙館 (已結業)

呢一間餐廳係喺中環嘅高級粵菜餐廳，聽聞有好多名人都去試，所以我都想試吓感受一下呢個氣氛！我哋一入到去，就發覺有好多外國人都喺度試呢一間中菜！我哋叫咗好多唔同嘅菜式，包括有梅子南瓜，估唔到梅子同南瓜係好夾嘅佢用咗一個冰鎮嘅技巧啲南瓜排到好似一道花咁樣，仲要好好味，酸酸地好開胃呀！我哋又要左一個黑松露野菌炒班球，估唔到可以用黑松露同埋魚作一個配搭都唔錯！跟住仲要做一個傳統嘅中菜八寶鴨，呢度感覺上嘅味精比較少所以口味都比較清淡，所以就食得出食材嘅原先味道，清清地，特別啱老人家食！值得一提嘅係呢度服務態度非常之好，會有人一直幫你換茶！雖然個價錢就偏貴，但係個人認為都好值得一試，除咗家人聚餐之外，同朋友傾生意都可以喺度一直嘆住茶一邊傾生意！