壹小店 (已結業)

觀塘海邊好多coffee shop，呢間係眾多之中我最欣賞嘅。因為佢入邊嘅裝飾，的確好有心思，而且非常本土文化，一入去見到牆壁上嘅牆紙，細心一看，原來係年少時曾經讀過嘅金庸小說內頁，每張整齊地貼喺長身，真係好震撼。呢度嘅咖啡亦都好香， Americano 入口好滑，Capuchino 嘅拉花亦都好用心，奶香味和咖啡味嘅比例做得很好。咖啡杯各有不同，每隻都有特別嘅設計，視覺上好靚，配合整個咖啡店嘅環境，令人享受一個悠閒嘅下午。窩夫大大件，而且厚身，店家介紹話係低脂嘅窩夫，既健康又好食嘅下午茶佳品。