QUE (MOKO新世紀廣場)

營業中

休息中

約咗朋友下晝喺旺角買嘢，早少少喺旺角搵餐晏仔食。喺MOKO打咗個round，經過見到呢間新開嘅餐廳，就入去試吓。打開餐牌，見到有個櫻花盛幾吸引，就叫咗嚟食。一個櫻花盛包括咗好多嘢食，有吞拿魚丼、火炙三文魚明太子沙律、辛味八爪魚冷稻庭烏冬、黑松露芝士吉列蠔、黑松露蟹籽壽司筒 & 靜岡縣紅茶焦糖燉蛋。呢度啲魚生幾新鮮，唔會係雪到冇晒味嗰隻。個烏冬辣辣地幾開胃。隻吉列蠔都幾大隻，食落又唔會腥。個焦糖燉蛋都幾好味。餐廳幾光猛，坐得幾舒服。呢度有D壽司塔可好似幾特別，下次同朋友嚟試埋其他嘢先。