影片
更多
2017-09-27
5558 瀏覽
特別日子，密友帶我去一宝食天婦羅，聽講好難book枱，又咁啱早一星期打嚟book到個下晝👻地方細細，夾埋得十零個位，一入去都幾勁油煙味。午餐得兩款，Yuki同omakase，廚師發辦唔知食咩都可以理解，但咁樣睇張menu，其實都唔會知Yuki有咩食，淨係知8件天婦羅😓叫左各一睇下有咩分別。前菜係一碗仔啫喱加蛋嘅物體，係柚子味嘅，個蛋望落似溫泉蛋，點知得蛋白係溫泉蛋嘅質地，蛋黃已經成哂固態，類似整月餅見到嗰啲咸蛋黃咁嘅質地，好疑惑點樣做到裡面熟過出面？沙律係普通生菜加啲麻油，上面有啲咸咸嘅海帶絲。枱面架撐好多，檸檬汁、鹽、蘿蔔泥同醬汁，每一款上菜時都會俾建議你沾邊一款調味食，好細心。一開始先上兩隻蝦，一隻係正常嘅，另一隻有紫蘇葉包住，雖然隻蝦唔算大隻，但非常好肉彈牙，即使炸完都食到蝦嘅鮮味🤤個蝦頭分開炸，炸透哂可係連殼食，脆卜卜仲有蝦膏！！仲有粒白果（好似係？）之後上魚、蕃薯同蓮藕，見到半件嗰啲係omakase嘅，因為師傅見我地share食分好俾我地👏🏻個魚咬落好實在，啖啖肉，唔會係一咬就散嘅魚柳。蕃薯好腍好甜，蓮藕都好好食。左邊嗰舊魷魚真係唔講得笑，超厚切，成大舊白雪雪擦膠咁嘅樣，咬落
午餐得兩款，Yuki同omakase，廚師發辦唔知食咩都可以理解，但咁樣睇張menu，其實都唔會知Yuki有咩食，淨係知8件天婦羅😓叫左各一睇下有咩分別。
前菜係一碗仔啫喱加蛋嘅物體，係柚子味嘅，個蛋望落似溫泉蛋，點知得蛋白係溫泉蛋嘅質地，蛋黃已經成哂固態，類似整月餅見到嗰啲咸蛋黃咁嘅質地，好疑惑點樣做到裡面熟過出面？
沙律係普通生菜加啲麻油，上面有啲咸咸嘅海帶絲。枱面架撐好多，檸檬汁、鹽、蘿蔔泥同醬汁，每一款上菜時都會俾建議你沾邊一款調味食，好細心。
一開始先上兩隻蝦，一隻係正常嘅，另一隻有紫蘇葉包住，雖然隻蝦唔算大隻，但非常好肉彈牙，即使炸完都食到蝦嘅鮮味🤤個蝦頭分開炸，炸透哂可係連殼食，脆卜卜仲有蝦膏！！仲有粒白果（好似係？）
之後上魚、蕃薯同蓮藕，見到半件嗰啲係omakase嘅，因為師傅見我地share食分好俾我地👏🏻個魚咬落好實在，啖啖肉，唔會係一咬就散嘅魚柳。蕃薯好腍好甜，蓮藕都好好食。
左邊嗰舊魷魚真係唔講得笑，超厚切，成大舊白雪雪擦膠咁嘅樣，咬落有𡁻口但竟然一啲都唔靭，好驚喜。粟米、露荀同個菇都唔失禮。
跟住有蝦多士、海膽、櫻花蝦同帶子。個蝦多士超鬆脆，海膽好creamy，櫻花蝦texture有啲奇怪，帶子好大隻好正！
最後一樣炸野係紅豆餡嘅丸子，睇得出佢包得好靚啦？
每個餐跟一個飯，可以揀茶漬/冇茶嘅，個茶用左一個好濃嘅綠茶，苦苦地，個人比較喜歡麥茶或高湯多啲。
甜品係一個威化盒仔裝住綠茶雪糕同紅豆茸，個雪糕好濃密，仲配左兩粒巨峰提子。
另一個係柚子雪芭，好清新，兩個甜品都好滿意。
Overall嚟講呢度整嘅天婦羅好出色，個粉漿真係好薄，所以都唔會覺得好油，海鮮嘅天婦羅比較impressed，除左「鮮味」我都唔知可以點形容😂而早前去另一間「瀧」遇到一次上碟食到最後凍左唔好食嘅問題，都因為佢分開炸起上而解決左🤘🏻但講真Yuki得8件其實夠唔夠飽？🙈Anyway, 好慶幸有個密友帶我周圍食好野❤️
張貼
