影片
更多
2018-08-02
890 瀏覽
對老一輩嘅香港人嚟講出街食晚飯唔係中餐就係西餐，中餐即係去酒樓設宴擺酒，西餐即係去扒房/西餐廳食牛扒！莎樂美係荃灣歷史悠久嘅西餐廳，記得第一次幫襯係初中跟同學一齊去。餐廳門口玻璃暗暗地，外人望唔到入面，保障食客私隱。餐廳內燈光柔和，當年啲侍應生都著住傳統 waiter 制服 - 白裇衫，黑背心，黑西褲，煲呔！餐廳走屬中高消費路線。今時今日嘅莎樂美就愈來愈親民，屬平靚正消費！餐廳內裝潢不變，只係舊咗少少。雖然侍應已經唔駛打煲呔，但仍然著住完整制服。服務方面，比以前親切友善！食物方面就走大件抵食路線，鐵板餐係最最最抵食嘅選擇！套餐有齊餐湯，餐包，主菜，餐飲，甜品！餐湯有紅白兩款，紅湯 - 羅宋湯跟住傳統，蔬菜，牛腩粒，令人胃口大開！白湯 - 周打魚忌廉湯同樣出色，魚肉，薯蓉，梳打餅，唔似坊間又稀又冇味。配埋個熱辣辣嘅大餐包，其實已經飽咗一半。主菜鐵板午餐 - 雞扒，豬扒大大塊，配薯角，蕃茄雜菜墊底，而什扒份量就更加可以挑戰大胃王！如果唔夠，仲可以加$3 配白飯/意粉。女士們唔想食咁多肉嘅話，可以揀是日午餐或焗飯餐，今日就點咗焗咖哩豬扒飯，咖哩香料十足，又香又辣，豬扒肉質嫰滑，仲配炒飯底，真
莎樂美係荃灣歷史悠久嘅西餐廳，記得第一次幫襯係初中跟同學一齊去。餐廳門口玻璃暗暗地，外人望唔到入面，保障食客私隱。餐廳內燈光柔和，當年啲侍應生都著住傳統 waiter 制服 - 白裇衫，黑背心，黑西褲，煲呔！餐廳走屬中高消費路線。
今時今日嘅莎樂美就愈來愈親民，屬平靚正消費！餐廳內裝潢不變，只係舊咗少少。雖然侍應已經唔駛打煲呔，但仍然著住完整制服。服務方面，比以前親切友善！
食物方面就走大件抵食路線，鐵板餐係最最最抵食嘅選擇！套餐有齊餐湯，餐包，主菜，餐飲，甜品！
餐湯有紅白兩款，紅湯 - 羅宋湯跟住傳統，蔬菜，牛腩粒，令人胃口大開！白湯 - 周打魚忌廉湯同樣出色，魚肉，薯蓉，梳打餅，唔似坊間又稀又冇味。配埋個熱辣辣嘅大餐包，其實已經飽咗一半。
主菜鐵板午餐 - 雞扒，豬扒大大塊，配薯角，蕃茄雜菜墊底，而什扒份量就更加可以挑戰大胃王！如果唔夠，仲可以加$3 配白飯/意粉。女士們唔想食咁多肉嘅話，可以揀是日午餐或焗飯餐，今日就點咗焗咖哩豬扒飯，咖哩香料十足，又香又辣，豬扒肉質嫰滑，仲配炒飯底，真係飽足感強勁！大大一盤，我投降喇！
張貼
