影片
更多
2017-09-22
84 瀏覽
去開土瓜灣探朋友然後決定一齊食飯，佢就介紹我去呢間食雞煲因爲老友話好食，所以我決定一於試究竟有幾好食先！都實講。。土瓜灣呢個地方真係唔就腳，冇咩事跟本都唔會踏足呢區。見到門面個感覺都幾好，幾光猛又有新鮮海鮮賣，入到去感覺老幾寬敞唔侷促！安排好坐低後。待應姐姐就介紹咗個海鮮雞煲套餐俾我俩個食，每位238，兩位起。又話好抵食又話好夠食，所以一於就試吓佢有幾抵同有幾夠啦！個雞煲仲有得揀辣度外，亦有得揀麻度。。真少見！落單後。。即上個前菜一麻醬冰菜一！我本人都幾鐘意食冰菜但當沙律生食都係第一次！好有驚喜！效果原來好好食！好脆口！然後上個雞煲。。個分量都幾多，都足夠三個人食架！着火後用微滾熱住個雞煲令到啲香味散發出黎又真係幾香。花椒嘅味道都幾出！至於調味料就都係啲基本大路嘢。。芫茜䓤，辣椒，生熟蒜同沙茶醬。套餐嘅主角上場。。。！二人份量嘅海鮮拼盤！睇落個量好似唔多但絶對夠食！而且用料都幾新鮮。。包括有原條多寶魚。。原隻奄仔蟹。。兩隻鮑魚。。四隻廣島蠔。。四隻大蝦！套餐仲包括有時菜一份，安格斯牛肉，蟹子丸同芝士丸各2粒，稻庭烏冬兩個。。！其實呢個餐嘅份量兩個人一定夠食！食咗雞煲後已飽咗一大半！除咗
去開土瓜灣探朋友然後決定一齊食飯，佢就介紹我去呢間食雞煲因爲老友話好食，所以我決定一於試究竟有幾好食先！都實講。。土瓜灣呢個地方真係唔就腳，冇咩事跟本都唔會踏足呢區。
見到門面個感覺都幾好，幾光猛又有新鮮海鮮賣，入到去感覺老幾寬敞唔侷促！
安排好坐低後。待應姐姐就介紹咗個海鮮雞煲套餐俾我俩個食，每位238，兩位起。又話好抵食又話好夠食，所以一於就試吓佢有幾抵同有幾夠啦！個雞煲仲有得揀辣度外，亦有得揀麻度。。真少見！
落單後。。即上個前菜一麻醬冰菜一！我本人都幾鐘意食冰菜但當沙律生食都係第一次！好有驚喜！效果原來好好食！好脆口！
然後上個雞煲。。個分量都幾多，都足夠三個人食架！着火後用微滾熱住個雞煲令到啲香味散發出黎又真係幾香。花椒嘅味道都幾出！至於調味料就都係啲基本大路嘢。。芫茜䓤，辣椒，生熟蒜同沙茶醬。
套餐嘅主角上場。。。！
二人份量嘅海鮮拼盤！
睇落個量好似唔多但絶對夠食！而且用料都幾新鮮。。包括有原條多寶魚。。原隻奄仔蟹。。兩隻鮑魚。。四隻廣島蠔。。四隻大蝦！套餐仲包括有時菜一份，安格斯牛肉，蟹子丸同芝士丸各2粒，稻庭烏冬兩個。。！
其實呢個餐嘅份量兩個人一定夠食！食咗雞煲後已飽咗一大半！除咗食雞外。啲配菜。例如洋蔥，芹菜都要食因爲個汁真係好味！
然後就會加湯俾你打邊爐，隻蝦係堅大隻同好彈牙爽口。好新鮮！
至於多寶魚。。我係第一次用黎打邊爐。都幾好食。肉質夠滑同冇乜魚骨！
隻奄仔蟹好好鮮味，肉質夠實又彈牙！所以我本人覺所呢個套餐係值得去捧場嘅！而且係堅飽！讚！
張貼
