New York Fries (已結業)

在海港城 shopping 之際, 見有人排隊買野食, 仲要排完攞出露台一邊坐低睇海景, 一邊食, 於是埋去八吓原來係賣薯條的 new york fries, 見咁多人食, 一於埋去睇睇, menu 有 poutine, veggie 同 the works 三種薯條, 仲有 hot dog 添, 坦白講, 我食薯條唔會要求好脆, 炸到金黃先係好食, 反而好注重薯仔本身的質素, new york fries 的薯條絕對唔係脆的, 想食脆野你會好失望我買一盒 veggie works 食, 有芝士同酸忌廉味的醬汁做襯托, 加上蔥, 蕃茄粒, 配角唔算味道好重, 令我可以品嘗薯條本身的味, 這方面做得合格有餘了本想給一個笑瞼, 但覺得一盒細的要三十幾, 大的要四十幾, 價錢好像高了一點, 又好想俾ok, 不過佢又好食過什麼ireland 之類.. 希望會把價錢調低吧, 唔係我都唔會成日買了