陶源酒家 (已結業)

都知道中秋晚出街幫襯，一定被人斬，唔緊要，斬得我心甘命抵又無所謂，不過呢度唔係囉。炸子雞，油到飛起，皮完全唔脆；兩隻澳洲鮑魚，唔入味；焗龍蝦，伊麵係凍既；菜就真係最離譜，小棠菜扒幾條火柴咁幼的竹笙，再倒幾粒罐頭磨菇入去，收$88﹖有人搶錢呀，報警啦；鮑汁荷葉飯，我又真係未食過荷業飯，中間重係白色囉，連汁都未吸晒入去就拎出黎，廚房真係好忙咁喎。叫極都無人黎，落單位經理又神遊天外天，寫張單用左成五分鐘，講黎講去都未寫完，真係谷氣到極呀。