NeNe Chicken (大埔超級城) (已結業)

NeNe Chicken新開左一排，唔知點解聽到都係話唔好食，最終忍唔住親自試一試！雖然好多人話唔好食，但門口排隊既人真係唔少，我地等8位大概等左半個幾鐘。。。我地叫左一個韓式家常菜套餐，另外叫左一份雙拼炸雞，明太子雞蛋卷，濟州海鮮炒粉絲，明洞小食派對，芝士蛋伴烤牛肉炒飯，最終係食唔哂要打包（咪做大晒鬼丫嘛）韓式家常菜之磨菇烤牛肉鍋連同人參雞湯、炸雞4件、泡菜同白飯2碗，L size再送沙律，$418都真係幾抵，呢個餐宵夜時段有85折就更抵（不過記住check單，因為埋單會俾漏85折）牛肉鍋好大鍋，牛肉用汁水煮到好香甜，但係有人歡喜有人愁，唔係個個都岩食。人參雞湯隻雞肚內有米，即係都係飽肚野，但我地只係飲湯，因為太飽啦！泡菜最終係上漏既，不過都費時追啦！！雙拼炸雞揀左初雪炸雞（即芝士）同香蒜炸雞伴薯條，初雪炸雞除左芝士味仲香香甜甜，好好味香蒜炸雞亦十分香脆雞肉好嫩滑，同埋熱辣辣新鮮炸起飲品叫左兩杯，都幾好味，以為得個樣又唔係喎！呢個中左伏，D蛋癡晒底，個飯又唔好食呢個先係終極伏，上台賣相已經唔掂，除左一隻有殻蝦仔，其他都係迷你蝦仁，青口殻散到成碟都係，一路食一路咬到殻另外蛋卷同小食派對