影片
更多
2018-06-19
4474 瀏覽
跟著 Google 氹氹轉，您識唔識架？點我兜上兜落半粒鐘喇，行山路熱到我出晒汗，濕晒喇。幾翻波折，原來地址係工廠大廈內，真係唔易搵呀，從外觀原全唔會覺得裡面有食肆囉。終於到步，裝滿、內籠、擺設都十分前衞，中西合壁。有室內也有露天座位，似港式酒吧又似上海老店。工廈改建地方寬敞樓底高，有露天及室內座位，90% 外籍人士食客，走年青前衛路線，滿意。中環原創方內的料理農務，三把口食唔得多，嘆嘆醉有機蛋、炸魷、南翔小籠包、盅溫雞湯、金衣蝦球、全隻蟹賽旁、有機白飯、香炸排骨、四川擔擔麵，最後士多啤梨熱情果賓治！前世修來的福氣，有幸與兩位美女走到中環共渡良宵啊﹗醉有機蛋，用 24 小時酒釀澳洲有機雞蛋，那麼利害？ 充滿煙燻芳香，散發陣陣清純酒味，濃郁甘甜糖心蛋，涼浸浸美味不膩。炸魷配三角豆醬，三角豆醬好似甜椒醬味道及質地，英文係 Chili hummus 辣椒鷹嘴豆泥？落味太重手啊，椒鹽勁咸，即炸鮮魷香口乾爽，外脆內嫩，充滿彈性，如果洒上檸檬汁就更清新喇。南翔有機小籠包，注滿湯汁無可抗拒，甜美湯汁熱燙燙，皮薄餡靚，半透明非常有彈性，夾起不易爆開，整粒躺在黑醋上降降溫後即時啪入口，半點精華不漏，盡收
終於到步，裝滿、內籠、擺設都十分前衞，中西合壁。有室內也有露天座位，似港式酒吧又似上海老店。工廈改建地方寬敞樓底高，有露天及室內座位，90% 外籍人士食客，走年青前衛路線，滿意。
中環原創方內的料理農務，三把口食唔得多，嘆嘆醉有機蛋、炸魷、南翔小籠包、盅溫雞湯、金衣蝦球、全隻蟹賽旁、有機白飯、香炸排骨、四川擔擔麵，最後士多啤梨熱情果賓治！前世修來的福氣，有幸與兩位美女走到中環共渡良宵啊﹗
醉有機蛋，用 24 小時酒釀澳洲有機雞蛋，那麼利害？ 充滿煙燻芳香，散發陣陣清純酒味，濃郁甘甜糖心蛋，涼浸浸美味不膩。
炸魷配三角豆醬，三角豆醬好似甜椒醬味道及質地，英文係 Chili hummus 辣椒鷹嘴豆泥？落味太重手啊，椒鹽勁咸，即炸鮮魷香口乾爽，外脆內嫩，充滿彈性，如果洒上檸檬汁就更清新喇。
南翔有機小籠包，注滿湯汁無可抗拒，甜美湯汁熱燙燙，皮薄餡靚，半透明非常有彈性，夾起不易爆開，整粒躺在黑醋上降降溫後即時啪入口，半點精華不漏，盡收肚裡，潤澤舌頭及全身每個細胞，大滿足！完全不想停下來。
盅溫雞湯，解釋寫住 10 小時慢煮雞湯，還配有雲吞呢。雞湯泛著極重雞肉甜味，落足料烹煮喎，可口清爽。滑嘟嘟一口鮮肉雲吞，不是鮮蝦來的，餡料跟小籠包一模一樣，連味道都一樣，不過沒有灌湯。小棠菜，一向都不愛，壓棄青味濃而無甜味，得個爽字，依兩棵都不例外。
金衣炒蝦球，即係黃金蝦球，即係牛油咸蛋黃蝦球。食過最巨形的黃金蝦，撐到我的櫻桃小嘴都大埋，嘴嚼不輕易啊。超大隻去殼巨蝦，肉質爽彈結實，滲出蝦汁無煮過火，大量咸蛋黃沾得厚厚牢牢，勁香甜可口，份量好多好飽，食兩舊已經好滯咯，撈飯一流。
全隻蟹旁賽， 睇 menu 時還以為係寫住賽旁蟹添 ﹗第一次見有原隻真蟹既賽螃蟹，賣相夠震撼，懷中抱月，有趣可愛又得意。
窩蛋淋上幾滴黑醋，搵柔地吉穿蛋黃跟蟹肉蛋白拌勻，食得喇 ﹗非常清淡喎，不加鹽的嗎？食唔到一絲蟹肉，蛋白勁嫩滑撈上蛋黃添上黏黏滑滑感覺，奈何蛋黃味離奇地微弱。用上大閘蟹既黑醋，味道陰沉不甜不酸，完全唔夾。賣相及食材都非常吸引，味道就強差人意。
有機白飯，專登叫有機白飯撈蟹旁賽食，極之失望。還以為撈蛋必定無得輸，錯了。好采還有黃金蝦，咸蛋黃撈飯，good。
香炸排骨，新鮮出爐吱味聲送到，排骨炸得甘黃鬆脆，香口就夠香口，都食到豬扒，不過太油又太肥，搽得炸粉厚厚的，醃味太淡。最好食都係銅鑼灣美味廚既排骨菜飯，我唯一鍾情既排骨菜飯。
四川擔擔麵，肉碎，擔擔麵並無嚥韌彈牙的質地，腍腍的、粉粉的，幸好吸湯力顯注。湯汁毫無辣味，少少都也沒有，花生醬味超濃郁，幼滑順喉。士多啤梨熱情果賓治，一頓濃味的菜餚後，來點冰涼的、清新的洗洗味蕾，舒服多了。
醉有機蛋
48 瀏覽
0 讚好
0 留言
炸魷配三角豆醬
27 瀏覽
0 讚好
0 留言
炸魷配三角豆醬
29 瀏覽
0 讚好
0 留言
南翔有機小籠包
17 瀏覽
0 讚好
0 留言
盅溫雞湯
28 瀏覽
0 讚好
0 留言
金衣炒蝦球
37 瀏覽
0 讚好
0 留言
全隻蟹旁賽
45 瀏覽
0 讚好
0 留言
有機白飯
27 瀏覽
0 讚好
0 留言
香炸排骨
26 瀏覽
0 讚好
0 留言
四川擔擔麵
32 瀏覽
1 讚好
0 留言
士多啤梨熱情果賓治
35 瀏覽
0 讚好
0 留言
張貼
