山下菓子 (已結業)

今年生日買左山下菓子既雙層芝士蛋糕慶祝，呢款係要雪既，所以買完就要即刻趕住拎返屋企。表面蛋糕碎口感比較粗糙，亦都無乜味，雙層芝士蛋糕係上層半熟、下層烘焗的日式做法，不過呢個蛋糕上層就可能溝得多左水，雪凍左會有冰粒，同埋芝士味都偏淡，似食冰沙多d，不過下層質地明顯較細緻，我最愛雪於冰格內，雪硬左之後下層會變成芝士雪糕的質地，蛋糕口感實心得黎亦夠滑溜，冰凍透心涼，香濃的芝士味中透出微甜奶香，不會太甜膩。