水門雞飯 (豉油街)

營業中

休息中

假日晚市6點到，餐廳已經坐滿哂人。除左最出名既水門雞飯外，有肉食、小食、菜類及甜品，就連飲品都有多種款式。因為樣樣食物都好吸引，所以2個人叫左好多餸，超級飽。水門雙拼雞飯($56)，油飯熱辣辣，每粒飯都沾滿油香。少飯既份量都多，好足料。附送既雞湯有驚喜，超重胡椒味，湯底清，仲有一大塊冬瓜。特登揀雞胸部分，肉質一d都唔鞋，雞皮滑，冰涼口感好jeng。搭配帶辣既醬汁，就更惹味。而炸雞炸粉薄，雞肉多汁，外層炸得乾，唔會好油膩。泰式清湯腩船粉，湯底同樣都超重胡椒味，揀左多蔥更香。牛腩大件軟林，牛筋炆得入味。金邊粉份量亦多，超飽。原隻燒魷魚($45)，原隻串住送上枱好震撼。好有泰國風味。魷魚邊位焦焦地，辣汁好刺激，後勁辣味好濃。可以原隻/切件上。串燒($14串)，豬肉結實juicy，配沙嗲甜醬，超好食，尼個醬配咩都超夾。旁邊既酸汁，就更清新。而雞肉嫩，與豬肉相比，豬肉串燒口感更勝一籌。馬拉盞肉醬芥蘭苗，肉醬好惹味，帶甜，配飯麵食一流。芥蘭特登要求煮軟身d，一大碟份量超多。菠蘿冰，菠蘿味非常濃郁，冰打得碎，唔會過甜。而且用膠杯裝，方便可以拎走飲用。整體，食物味道同泰國口味不相伯仲，餐廳播住泰文歌，