古味坊 (已結業)

呢排疫情又好似嚴重左，就諗返起個拎月前同小朋友去元朗探親戚。去探人點可以倆手空空去呢？經過元朗千色果邊既西菁街，見到原來元朗都有依家好興既台灣古早味蛋糕賣，舖名叫<<古味坊>>，經過既時候已經聞到好香既蛋味，就知有新鮮既蛋糕出爐。 因為人多今次足足買左三個，分別係流心咸蛋芝士蛋糕、黑糖蛋糕同埋抺茶蛋糕。流心咸蛋芝士蛋糕同埋黑糖蛋糕我之前都試過，而抺茶味都係第一次試，都幾冀待試下。<<古味坊>>既流心咸蛋芝士蛋糕入邊芝士就較多，鐘意食芝士既朋友一定要試下。黑糖蛋糕就好香既糖味，但係又唔會太甜，拎黎做下午茶就最岩喇。最後就係咁抺茶味，好香既抺茶味，配埋杯綠茶，成件事好寫意。 如果怕太大件真係唔怕，因為佢地有2種特別既蛋糕，分別係黑白配蛋糕同埋雙色配蛋糕，黑白配蛋糕其實就係黑糖蛋糕配原味蛋糕、雙色配蛋糕就係抺茶蛋糕配原味蛋糕。如果咁叫就可以試多種味道又唔太大個，一定食得晒。