添添廚房

營業中

休息中

小編四圍搵食，除咗食貴嘢都會食街坊嘢同埋收工真係唔係間間餐廳都有位入去坐有時想買個外賣返屋企休息吓仲好 咁就一於食兩餸飯不過食兩餸飯，小編嘅宗旨係盡量搵多人嘅！只要唔係太夜，人多快啲食晒佢就快啲炒新一兜出嚟！三餸飯雞絲炒翠玉瓜呢個餸本身都清清哋，但係雞柳都會有少少調味。食落唔會好寡！茄子斑腩呢一個餸都係要多人排隊嘅地方先夠膽叫，因為斑腩時間過咗好快會淋！呢一間就完全冇呢個問題，拎到返屋企都仲係有溫度！斑腩脆脆地，茄子又係甜甜地！非常送飯水煮牛小編最鍾意就呢個餸因為個汁真係好好送飯，佢嘅汁比坊間水煮牛再濃稠，同埋其他兩餸飯餐廳冇見過！牛肉冇鹼水味幾有牛味！份量又多算係咁！最緊要係熱辣辣，超級推薦雙餸飯炸蠔今日小編真係好夠膽，平時真係唔敢叫煎炸食物，因為好怕拎到返屋企淋又要拎去叮！拎到返屋企大概20分鐘左右仲keep到！大概就係炸蠔餅！份量都算幾多！份量絕對對得住價錢！香口！西蘭花牛肉西蘭花炒得好爽脆，牛肉口感軟嫩，咸度適中，超好餸飯例湯加$3 豬骨蓮藕湯魚$30/條完全唔腥，有啲蒜粒同埋辣椒做點綴 豉油都好夠，本身條魚冇醃過 所以唔使驚好鹹