肯德基家鄉雞 (KFC)

營業中

休息中

KFC又推出新口味，今次聯乘Pizza Hut推出嘅「蒜蓉包脆雞系列」，將炸雞同蒜蓉包嘅蒜蓉牛油結合，簡直係雙重邪惡嘅組合！趁住「cheat day」，當然要試一試。一打開盒，陣陣蒜蓉香氣撲鼻而來，已經勾起食慾。炸雞表面覆上一層厚厚嘅蒜蓉牛油醬，咬落去炸雞外皮香脆，肉質唔會過乾，算係今次炸得不錯。濃郁嘅蒜蓉香氣瞬間充滿口腔，帶少少微酸嘅調味，為口感增添層次。不過，牛油嘅香味比較弱，冇預期咁突出，略嫌美中不足。粗薯條配上芝士粉，聞起嚟有陣似零食芝士圈或者芝士波嘅香味，令人期待。但實際食落去芝士味偏淡，反而粗薯條本身嘅薯仔香味更突出，整體表現未算特別驚喜，屬於中規中矩。KFC經典葡撻，依然保持一貫水準，外皮酥脆，內餡滑溜，甜度適中，作為甜品收尾非常合適。