富都茶餐廳 (已結業)

師傅耐唔耐都會黎呢度食下野, 而今晚亦唔例外, 當師傅去到門口見到佢今晚個晚餐係美式雜扒時已經覺得非常開心, 所以一坐底就即刻叫左個晚餐跟飯配黑椒汁, 餐湯就要左忌廉湯!等左一陣忌廉湯就到, 忌廉湯味道適中, 料又多幾豐富; 至於個主餐美式雜扒就豐富到不得了, 雜扒有煎蛋, 火腿, 腸仔, 豬扒同牛扒, 仲有薯條添; 其實食物嘅質素係一般嘅茶餐廳質素, 並無咩特別, 冇咩大驚喜, 不過勝在誠意搭夠!總括黎講呢個雜扒晚餐嘅質素都幾好, 地方乾淨清潔, 服務都幾好, 價錢又大眾化, 晚餐都係四十二蚊, 絕對食得過! 所以有機會一定會再黎!