掌門雞 (已結業)

掌門雞以「雞」為主題，用唔同烹調方式製作雞，令人眼前一亮，雞全部都係雞，但又千變萬化食極唔厭嘅感覺。餐廳空間大，日系裝修簡約，環境舒適而且裝修得靚仔。仲有全日驚喜優惠，美式香料/泰式風味烤雞，堂食同外賣都極優惠。泰式烤雞烤雞外皮烤到金黃香脆，泰式風味突出，肉質嫩滑，配泰式酸汁同沙律，酸酸咪咪開胃好味。海南雞賣相靚仔，例牌嘅份量已經非常足夠，雞皮細膩，雞肉嫩滑，底下鋪咗青瓜片同花生米，配合黑醬油、薑蓉蒜泥同辣椒醬，令雞肉更惹味。韓式炸雞(蒜香蜜糖汁)食雞主題餐廳又點可以少咗炸雞，呢度韓式炸雞有四隻口味揀，分別係甜辣、橙味、蒜香蜜糖汁、南蠻，我哋揀咗蒜香蜜糖味，炸雞肉質juicy唔鞋，皮脆香且充滿蒜味，蜜糖汁調味很惹味。掌門雞蛋糕配日本雪糕，我哋揀咗紅豆餡，新鮮製作勁香蛋味，非常推薦！椰青飽滿多汁，口感清甜。